عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير
بنات انا من زمان وانا اتابع هالقسم وتعجبني حلولكم وسجلت الحين لان عندي مشكله مسببه لي قلق وتعب نفسي بشكل مو طبيعي وقلت مالي الا الله ثم بنات الفراشه يشورون علي
قبل كم سنه ايام المراهقه كنت بعيده عن الله تعرفت على شاب عن طريق الجوال وقبل سنه وزياده عرفت اني غلطانه وعزمت على ترك الشاب وقلت له اني بتزوج وكنت اكذب طبعآ لاني كنت خايفه من رده فعله مع انه متزوج وعنه اولاد وغيرت رقم جوالي وتقربت الى الله وبديت اكثر من الاستغفار واقرا القران وسوره البقره بوجه الخصوص ولجأت الى الله لكن قبل كم شهر دق تلفون البيت ورديت وسمعت صوته وقفلت على طول وجلس يتصل تقريبآ كل كم يوم لكن من قبل رمضان وهو كل يوم ولا يومين يدق وكل مره الله يستر علي وانا خايفه مره مدري وش يبي فيني وخايفه ان واحد من خواني يرد عليه ويقولهم شي ساعتها بروح فيها لان اخواني مايتفاهمون ابد واصلا اهلي بدو يشكون من كثر اتصاله ورقمه الي يتكرر
بنات تكفون قولولي وش اسوي لاتقولون مالك الا الهيئه فكرت فيها واخذت رقمهم بس مافيني جراءه اكلمهم
