عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات بليز ساعدوني
مررررره متنرفزه:043:
أنا ملكت تقريبا من شهر وزوجي مو عايش في السعوديه يعني باقي علي جلستو في جده شهر كمان
ولمن كان يكلمني في فتره الخطوبه بالنت (لعلمكم أنا ماخذه عليه مررره)…كان دايما يقلي بعد العقد حنخرج ونتمشى مع بعض
ماابغى اشوف اصحابي كل يوم أبغى أشوفك أنتي وبس وكان يوعدني يوديني أماكن كثيره في جده
بس من يوم ماوصل وعقدنا وهوا يقلي اليوم حجي عندك ولمن اجهز نفسي يقلي معليش طالع مع الشباب
وانا أسيب خرجات كثيره مع اهلي عشان اخرج معاه او اجلس معاه
انا عارفه بعض الاحيان ينحرج من أصحابو ..بس كمان المفروض يقدر إني أجلس في البيت عشانو
وأقرب شي اليوم قلي أنا جاي عندك أتعشى بعد المباراه جهزت نفسي وبعدين اتصل قلي معليش رايح مع اصحابي اتعشى
بليز بنات انا مررره مقهوره ايش اسوي معاه
واللي عندها مسج اعاتبو فيها ياريت تقلي عشان ارسلو هيا دحين:0147:
