عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات كيف حالكم ؟ الله يعافيكم اللي استخدمت خلطة الدوكين ورتن آي ترد علي
😛
إنا اشتريت :رتن ىي ب 26 ريال
الدوكين ب 34 ريال
افالون ب 33 ريال
المهم إني خلطتها مع بعض ودهنت فيها..بس قلت خليني اقرا النشرة اللي جوه الكرتون ..وش لقيت ؟
😆 🙄
رتن أي : يستعمل لمعالجة حب الشباب لكن عليه محاذير تخوف
التحذيرات : تجنب ملامسة الكريم للعين أو زوايا الفم والأنف أو باقي المناطق الغير معنية بالعلاج ( يعني ينحط بعود القطن على الحبوب بس ) ..لا يوصى استعماله في حالة وجود تهيج جلدي ( تقشر اوحكة جلدية حروق شمس ) خاصة للأشخاص شديدي الحساسية ..من الممكن إن يتسبب رتن أي التهاب جلدي حاد ..تقشر جلدي ..حكة ..تكون طبقة قشرية ..يجب التقليل من مرات الاستخدام أو ايقافه مؤقتا ..
أثبتت التجارب عن وجود تشوهات خلقية لبعض الأطفال اللذين ولدوا لأمهات تمت معالجتهن برتن أي
تفاعل الدواء : يجب الحذر عند استعمال المواد التالية لإمكانية التفاعل ..أي نوع من أنواع التداوي الموضعي ( يعني أي كريم ثاني ) الصابون الطبي والمطهرات الطبية ..المنتجات اللتي تحتوي على تركيز عالي من الكحول ..منتجات التجميل ..استخدام التوابل والليمون ومواد قابضة ( زي الاسكينول ) يجب الحذر عند استخدام المستحضرات اللتي تحتوي على الكبريت أو حامض السالسيليك
الافالون يابنات يحتوي على الكحول ..حمض الستريك
الدوكين يجب تجربته على عينة من الجلد وإذا سبب حكة يجب عدم استعماله
تحذير : يحتوي على كبريتات الصوديوم المتطورة اللتي تسبب حدوث حساسية خطرة مثل الطفح الجلدي الحكة نوبات أزمة حادة عند بعض الأشخاص اللذين لديهم قابلية لذلك
وكل الكريمات تستعمل على المنطقة المتضررة يعني مو كل البشرة مثل نمش أو تصبغات وتحت ارشادات الطبيب بعد فحص الجلد جيدا ..يعني ماناخذ ونخلط واحنا ماندري عن تفاعل الدواء
واللي ناسب وحدة مو شرط يناسب الثانية
انا دايما كذا الط الشي بوجهي قبل مااجرب او اقرا
😆 🙄
والله بعد ماقريت المكتوب خفت وغسلت وجهي بمويه باردة ومع كذا احس الحين بحرارة بوجهي وانا اكتب لكم والله يستر بكرة انا اصلا وجهي حساس مرة
:):)
بس وش رايكم استعملة بين الارجل ؟ لان حرام خلطتة وما ودي ارميه
وسؤالي للي استخدموه كم جلسوا يستخدمونه؟ وسوالهم حساسية ولا لا ؟ تقشير او حكة ؟استخدموه للمنطقة اللي بين الارجل؟
😡
حبيت افيدكم باللي قريته علشان البنات اللي عندهم حساسية او حوامل او بشرة حساسة ينتبهون
والله يجزا كل البنات بالخير
وبس….
دعواتكم لي
