بنات خطيبي يفكر يتركني وزعلان مني اش اسوي؟؟

مرحبا بنات
بنات الله يخليكم الحقوا علي انا بحب خطيبي كثير كثير سارلنا مخطوبين 3شهور مشكلتي بالبدايه كان انسان رومانسي ودائما مهتم بي كتير فجاه بدات تتغير اطباعه هو انسان كثير كثير مشغووول انا بعرف هالشي بس مابقدر انا انسانه حساسه كثير وبحب مايتركني ايام ومابيسال عني من بعديها وانا كل يوم مشكله ونكد وعتاب له قالي مرا انا بدور على انسانه تريحني مو بتطفشني انا انسان مشغول وانتي بتعرفي كثير شغلي مابكون فاضي اعتذرت اكثر من مرا وبتمر الايام وانا بسوي مشكله وبعتذر وكل اسبوع مشكله وعلى نفس الموال الاسبوع اللي فات سار بيننا مشكله كبيره هو كان مشغول ومابيرد علي ولا على مسجاتي ولا شي عملت له مشكله كبيره عاتبته وكلام كثير هو ماقدر يتحمل قالي خلاص الله يخليكي اتركيني تعبت من اسلوبك وبطريقتي قدرت اني اعتذر وقلتله عطني فرصه اخيره وبفتح معك صفحه جديده قالي خلاص … باليوم الثاني من هالكلام طبعا صديقتي بتغار مني كثير لانه هو كان بيشتغل معنا بالدوام وخطبني وكانت هي طبعا معجبه فيه وبدها اياه قامت قالتلي كلام كبير انا انصدمت وصدقتها قمت دقيت عليه وهزاته وقلتله انت شو بدك مني قالي مابدي شي انا تعبت من اسلوبك وخلاص انا بدي اتركك وصدقيها لرفقيتك قلتله اسفه وخلاص قال امس تقولي لي اسفه وبفتح معك صفحه جديده ومابنكمل 24ساعه وتسويلي مشكله ترجيته اعتذرت كثير قالي خليني بحالي خليني مابدي اجرحك بالكلام قلتله بتتركني قال مابعرف يمكن اي يمكن لا بس خليني بحالي كثير تعبان قلتله الله يخليك قالي ان شاء الله خير بس خليني بحالي تعبان وانا بزن وبزن الله يخليك الله يخليك قالي اذا بدك تسمعي مني جواب الحين راح اقولك اني مابدي اياك وبتركك .. انا الحين تركته يومين ماكلمته قلت بخليه يهدا ويفكر يابنات ما بدي اخسره الله يوفقكن بليز شو بعمل مشان اصلح غلطتي … بحبه كثير وتعبانه كثير كثير مابدي شي بحاول اراضيه والا كيف اعمل