عالم البنات النسائي كل ما يخص المرأة العربية من ازياء وجمال والحياة الزوجية والمطبخ
❗ مساء الخير على كل الفراشات
وكل سنه وانتم طبيبن
وينعاد عليكم بالخير والمسرات
حبيت انقل لكم تجربتي مع مشغل سهير معروف جدا في مدينة جده في حي الصفا
طبعاُ لرخص التساريح والمكياج ب 100 ريال فقط
انا سمعت عنه وحبيت اروح لمشغل متكامل واسعاره رخيصه واهم شي القص>>>مسويه توفير 😆
مالت علي
اول شي الاسعار زيه زي كل المشاغل اللي في جده
حلاوه = 100 ريال بدكير =80 فتله = 20
ماوفرت شي يعني لو رحت مكان محترم مثل كارمن او عنايه دفعت نفس الاسعار او بزيادة 50 ريال
اللي ضايقني
المتواجدين في المحل عددهم كبير جدا ماشاء الله الزباين نص حريم جده والمحل شقه
حريم جالسين في المسجد وحريم في الاسياب واللي واقفين حتى على الابواب منتهى الازدحام وراعية المحل مو راضيه توقف توزيع ارقام علشان العاملات يعرفون يشتغلون ويخلصون الللي بيدهم
لدرجة والله بعض الحريم قاعدين على درج المدخل >>>> ياهووووه خلصت مشاغل جده
غير كذا المحل وسخ ولا احد قاعد بينظف
مافيه خصوصيه وانا في غرفة الاحلاوه معي اربع والباب كل شوي ينفتح واحد داخل خارج غير اللي يتفرجوا
العاملات حبشيات و اندونيسيات بس يخاصمون شايفين نفسهم على ايه مدري
قصهم عادي جدا
الحلاوه اقل من المستوى انا رجعت البيت عدت عليها
البدكير هو اللي جيد بس ادوتهم وسخه تشطفها بالمويه بدون تعقييم <<< والله قرف
الناتج الشغل اي كلام بسبب الاعداد الكبيره كل واحده تقلك انا وراي زباين <<< اجل انا ايه 🙁
تدافع + مزاحمه + عمل غير متقن + قذاره + عدم اهتمام = مشغل سهير في جده
انا مالي اي مصلحه بس هذا اللي لاحظته
اللي تبغى محل كويس ممتاز في جده تروح عنايه كارمن او البودي شوب منتهى النظافه والتعقييم
انشاءالله اخر مره اروح لمشغل مش كبير وله اسمه وهذي نصيحتي لبنات جده
