عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يابنات
صارتلي سالفه مع زوجي وأبغى أخذ رايكم فيها
طبعا أنا مملكه وزواجي إن شاء الله بعد 4 أيام
وجالس زوجي يأثث البيت
وبالنسبه لغرفه النوم وغرفة الجلوس تكفل أخوه أنه يجيبها من الصين
وما جات الا قبل يومين واليوم ارسلي صور للبيت وشفت الغرفه
وكمان ارسل صوره المجلس وغرفه الجلوس
أنا اول ماشفت الغرفه حقت النوم صح صغيره وماتكفي اغراضي
وشكلها عاديه مو من الغرف الفخمه
بس قلت مو مشكله تمشي الحال اللحين
لانه ماعنده ميزانيه اللحين
وصورة المجلس مررره مو حلو مسويه شعبي ومررره يقرف وقلتله انه مو حلو وقالي خلاص فتره ونغيره
ووريت أهلي الصور وكلهم يجلسوا يسبوا في الغرفه
ويقولوا مو حلوه وصغيره وماتكفي أغراضك وأنها ماتجمل قدام الناس والمجلس كمان قالو مو حلو وهي فعلا ماتكفي اغراضي
وقامت مامتي وكلمت زوجي وقالتله الغرفه مو حلوه وصغيره غيرها أرميها وجيب غيرها
والمجلس يقرف تقله امي كانه مضارب الباديه وزوجي كلمني بعدها بساعه قالي( أنا ماعندي إمكانيه اغيرها بس بدور غرفه بالأقساط وأجيبها وإذا بغيتي شي مني مره ثانيه قوليه انت مو ترسلي اهلك يتكلموا عنك) مع أني ما أرسلتهم ورجع كلمني بعدها وقالي (انا شايل هم أخوي انه يزعل تكلف وجابها وانا أرميها والمجلس اللي امك تقول مضارب الباديه برميه ومتى ماتتسهل عندي أسويلك شي أحلى منه) طبعا حزت في نفسه الكلمه وأنا والله معاه انها لاني انا زعلت عليه وزعلت من اهلي أنهم تهوروا وكلموه وخلوه ياخذ موقف مني ومن أهلي
والحين هو شايل هم مايدري مين يرضي ومين يزعل وأنا يوم قلت لاهلي أنكم غلطانين قالولي أنت هبله ورح يركب على راسك بغبائك وتساهلك معاه فقولولي مين الغلط ؟
وأش أعمل أخليه يغيرها وإلا لا
تكفون شوروا علي مدري وش اسوي
وأش أعمل بأغراضي اللي ماتكفي الغرفه مع العلم اني لازم اخذها كلها لان قرايبنا طبعهم يروحوا يشوفوا دبش العروسه مع اهلي يوم يودوه لبيتي
