بنات المغرب اوا اجيو لهنا بش تلقو لهنا

القدمين:
نقوم بغسلهما بالماء البارد وصابون الحجرة ومن بعد نحكوهم بحجرة أو أداة نزع الجلد الميت حتى تحسي بهم رطابوا … مسحيهم مزيان ودهنيهم بقشور الحامض لكتسليو منو وتلوحوه 😈 وعاوديه بفازلين ولبسي تقاشر على الاقل نصف ساعة وشوفي ليا الرجيلات كيف دايرين والتشقق يبدا يبان لك يختافي من المرة الاولى اما الا داومتي علها يا سلالالالام. 😆 hy:

ماسك للمحافظة على نعومة القدمين:

سكر+فازلين تخلطينهما ثم تضعينهما برجليك تفركين بيديك لمدة معينة ثم تغسلينهما وتنشفيها بفوطة خاصة تضعين دهان أو زيت بهما ثم تلبسين تقاشر…

اليدين:

نفس الخطوات طبعا التي اتبعتها مع القدمين تحذفين خطوة نزع الجلد الميت و الجوارب…

لتبييضهما:

تستعملين باقي القهوة تفركين به يديك جيدا ثم تغسلينهما… يستحب قص أـظافر الرجلين و اليدين (يوم الجمعة)

الوجه:

البخار مرتين في الاسبوع

يوم تستعملي حليب غبرة مع الحامض
ويوم استراحة
يوم ماسك فواكه سواء توت او خوخ او افوكا مهم تكون هاد المرة فاكهة تحتوي على نسبة من الدهنيات لان بشرتنا دهنية وجافة يعني مرة نعملوا لها لتنشفها ومرة لتخلها دهنية باش تبقى توازن ما تنشف ما تبقى دهنية
اليوم الاخر فقط كوماج بالفرماج ونفركو من بعد مينشف بسنيدة لانها تنقي الوجه
يوم اخر غاسول اخضر لانه كينشف الحبوب
يوم لمنبعده فقط زيت الزيتون
من بعد اليوم الاخر استراحة للوجه
ثم من بعد غاسول ابيض مع الحامض .
يوميا قبل النوم
كنغسل وجهي نهار بصابون الحجرة ونهار بنوطخوجينا ماسك وصابون يستعمل كماسك مدة 15 دقيقة او كصابون ثمنو عند مول الماكياج شي 80 درهم والصيدلية 90 لكن راه غزال تغسلي به وجهك عادي .وديري الحليب الوجهك

صباحا:

اغسلي وجهك بالماء البارد لإزالة آثار الحليب الذي وضعته بالليل ثم ضعي ماء الورد…
حاولي كل يوم تمرير قطعة ثلج على وجهك لأنها تنشط الدورة الدموية…
الحامض: مفيد أيضا فهو من أقوى أعداء عيوب البشرة و هو مفيد لتبييضها…

الأسنان:

الفحم+العسل ان وجد+قبصة ملح+عصير حامضة تخلطينهما جيدا ثم تبدأين بفرك أسنانك بنعومة طبعا و يفضل بالفرشاة بعدها إغسلي أسنانك بالمعجون…

يوم الإستحمام:

للجسد كله:
ماء ورد+ حليب مجفف+سكر+حامض و هذا لبياض البشرة تخلطين جميع المقادير و تفركين بها جسدك و خاصة المناطق الداكنة و هذا قبل الإستحمام… يعني دهني للحمك وبقاي بيه وحد 10 دقايق راه دغيا كينشف وهاد لبسي حوايجك وسيري لحمام او غسلي فدوش سخون ديال الدرا ومن تدخلي ديري الشبة مدقوقة مع صابون البلدي والحنة وعصيرالحامض واااااااااااو ياربي لحمك كيف يولي رطب وبيض وغزااااااال وحتى لفيها الحبوب فظهرها او لتراس ديال الحبوب فدراعها او صدرها تجرب هاد الطريقة وتشوف مع المدة كيف غادي يولي .

بالنسبة للابط بعد النتف

انا دايرة قريعة مخبيا فيها جونسون بيبي طالك ديالو مع المسك وشيرلي كنغسل كنديرها فيه وكانستعملها حتى تحت صدري زوينة كتبيظ الابط وريحة منقلش لك علها 😀

بالنسبة للعينين:

ضعي كمادات البابونج لتخفيف من الهالات السوداء حول العينين و هذا قبل النوم… او تستعملي قطن مببل بماء ورد او خودي القطن وغطسيها في ماء بارد ومن تنشف فوق عينك ديري ماء دافئ مع المدة كاتحيد الكحولة تحت العينين.

شفتيك

ضعي الكاكويت المفضل لديك و الذي يوجد عند الصيدلية من الاحسن او استعملي فازلين وشيتة السنان باش تقومي بعملية التقشار للفم غي بشوية لطيريهم:( وعاد ديري العسل مع زيت لورد او اللوز قبل النوم لتفادي تشقق الشفاه…

أختي لا ضرر من أن تستعملي خلطات أخرى لتفادي مشاكل البشرة التي تواجهك في بعض المرات أو وجدت أن الفتيات يمدحنها و هي مجربة و بشرط ان تتطقسي حول نوع البشرة المستخدمة لها…و لا تستعملي عدة خلطات في يوم واحد… 💡

بالنسبة للشعر سافتحه في القسم المخصص للشعر

في انتظار اقتراحاتكم