عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم كروشات وكيف الحمل معاكم ؟؟؟ اتمنى انكم تكونوا بخير
يابنات انا حدخل في الموضوع على طول
انا دحين ولله الحمد حامل وداخله على الشهر السادس الله يتمملي ويتمم لكل حامله جنين
وهدا تاني حمل لي بس في الحمل الاولاني كان الولد فيلو تشوهات وولدت بيلو في شهري التامن
وبعدين اسبوع توفى ولله الحمد والله يعوضني في هدا الحمل كل خير يارب
واكتشفت التشوهات اللي فيلو وانا في شهري الخامس او السادس ماني ذاكرة بالضبط
واكتشفت دا الشي لما سويت سونار في جدة لاني كنت اراجع في جدة والمدينه لانو كنت ناويه اولد في جدة
وقالتلي الدكتورة اللي في جدة وهي مستغربه انو مفروض دكتورتك اللي في المدينه تكتشف دا
الشي من الشهر الرابع بس انا ماكنت اعرف دكتورات كويسه في المدينه فكنت اروح عند الاقرب لبيتي
واتريها دي الدكتورة مش كويسه ومش معروفه
معليش طولت عليكم وانا جالسه احكي قصة حياتي
بس انا كنت احكيكم عشان احطكم في الصورة وتعرفو قد اش انا محتاجه لدكتور او دكتورة في المدينه
يعمل سونار كويس في المدينه عشان اطمن على صحة جنيني الله يطمنكم على اجنتكم يارب
فاللي تعرف دكتور او دكتورة كويس في السونار في المدينه فياريت تدلني وياريت توصفلي المكان مزبوط
لانو انا جديدة على المدينه ومااعرف فيها كويس
علما انو انا اراجع عند الدكتورة عفت البكل بعد ماسمعت عنها في النت انها كويسه وتقولي كل شي تمام بس برضو حابه اروح عند دكتور او دكتورة متخصص في السونار وكويس فيلو عشان اطمن اكتر
اسفه على الاطاله
والله يجزاكم خير على الردود مقدما
