عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هاااي بنات كيفكم وشخباركم ..
انا طبعا من بنات الشرقيه بس زواجي بيصير بالكويت انشالله ..
بس ابي اسألكم يابنات الشرقيه شنو الاماكن والمحلات اللي عندكم فيها فساتين عرايس
حلوووين وفخمه وين القاها؟؟؟ مو مشكله ايجار او شرى بس اهم شيء عندي ان السعر معقول..
بالكويت بصراحه الايجار والشراء غالي مرره يعني لقيت ايجار ب800 دينار تقريبا 9000 ريال ..
ويا بنات الكويت ابي صالون حلووو.. وين اروح فكرت بفندق ساس بس لما شفت صور البنات
بصراحه كانهم مغموسات بطحين او جبس ابيض مررره …وشيراتون محد مدحه لي …
بصراحه محتاره مررره ابي اكون بزواجي شيء شيء …
بالنسبه للمصوره لقيت وحده اوكي عندها عرض حلو ب150 دينار ..
وعلى طاري فساتين السهره … وين القى بالدمام والخبر …؟؟؟شنو المحلات بالضبط ؟؟
وبصراحه بنات انا محتاره ابي محل لقمصان نوم طويله واسعاره معقوله ..لاني بالكويت رحت لبيت اولادنا ولقيت عنده شغلات حلوه بس للاسف مالقيت شي طويل .. ورحت اماكن قمصان نوم كثيره حتى الطاهر رحت له ..وفكرت اخذ منه حق ليله العرس لانه عجبني سعره 75 دينار بس فخم فخم …بس عنده اشياء غاليه مررره ومحلات الجميع ماعندهم شي طويل حلو يعني بصراحه قمصان نومي اغلبها قصيره.. بس المحاميد اخذت من عندهم كم قميص ..ورحت لسوق المعلم واخذت منه كم قميص بعد ..وكنت ابي اسال كم قميص اشتري؟؟؟يعني كم واحد لاني محتاره كثير …
وابي اعرف نعومي لهم فرع بالكويت ولالا …
وعلى طاري البيجامات وش رايكم ببيجامات محل لونا اللي قدام مارينا مول بالسالميه ..حلوين ولاالا انا عجبوني بس ترددت اشتري لما وحده صديقتي قالت لي انا اخذت من عندهم بيجامات ومع الغسيل انكمشوا …
ابي بيجامات حلووه وراقيه يعني زي اللي لابستها الين خلف بفيديو كلبها الاخير اللي لونها اخضر بازرق ..داشه مزاااجي مررره ..
وعلى فكره انا ودي اسوي حناء انقش على يديني بس كثير اللي قالولي اذا حطيتي كريم جسم بيصير لونه باهت ..فا انا فكرت البس قفاز ساتان ابيض مع فستان فرحي ايش رايكم …ولا تحسونها طريقه قديمه ..؟؟
ادري طولت عليكم بس اتمنى تساعدوني …املي كله عليكم
اختكم الجوري
