عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته…
كيف حالكم يالغاليات؟؟
اول شي بقولكم قصة حياتي<<<رايقه
انا ياحلوين عندي اثار حبوب خفيفه بالوجه وربي موعميقه المهم….مدحولي د.غاده بمستوصف الحرمين ورحتلها وياليتني ماضيعت وقتي صافه المرضى بالدور ومن سبق لبق لاموعد ولا شي وتدخلين تسويلك تقشير باحماض الفواكه الممرضه تسويه وماتزيد جلستك جوا عن 5 دقايق غير انك منتظره بالساعات ورغم الم الانتظار كانت النتايج=0
تركتها ورحت د.فاطمه الشهري في ديرما واعطتني كريمات بعدها بشهر قالت اسويلك عملية ترفيع وبتصيرين زي العسل وسويناها ب1500ريال بعدها وصفتلي كونسيلر 💡 وانا احسبه علاج ماقالتلي وش السالفه غير يوم وصلت البيت اكتشفت انه كونسيلر بعده قالت بسويلك حقن فيتامين ونست انها قالته… وفي الاخير قالت مالك غير الليزر وبيكلف 8500ريال …قسم بالله حطمتني وخلتني احس انو بشرتي مامنها امل رغم ان اللي فيني وربي موعميق وهي قالته بنفسها … تركتها ورحت د.عبدالاله البصاص في العيادات المتخصصه واعطاني خلطة تقشير وخلطة تبييض وكريم فيتامين سي وتونر وغسول استمريت عليه شهر بعدين سوالي تقشير كيميائي جلسه وحده بعدها رجعت للخلطات ولي معاه حول 6 شهور بدون اي نتيجججججججججججججه وقال الحل الاخير هو عملية حقن للخدود رفضت وانتهى اللي بينا لانه قال هذا اخر شي عندي….
طبعا قبل كل هذول كنت مجربه د.عبدالله العيسى و د.صالح الرشيد
ومن اسبوع تقريبا رحت العيادات الاستشاريه اشيل الشعر بالضوء وقابلت د.هناء هناك وقالتلي شوفي افضل شي للبشره هو الليزر تقول هذا البيست ومدحتلي عيادات جوفا قالت روحي هناك عند د.علا وانها امينه وتخاف الله وبتقولك اذاا انتي محتاجه ليزر او لا…
وبصراحه انا زهقت لي الحين سنتين اعالج اثار الحبوب ومافي تقدم ولا 1% والمشكله بسيطه اشوف ناس ماشاء الله عندهم حفر بوجههم والحين تبارك الرحمن تزلق يدك لو تحطينها على خدهم من الصفاء والنعومه…
وقررت اعمل ليزر بس محتاره بين مركز جوفا ومركز بنان الطبي…
ايش رايكم … مين افضل واذا مجربينهم لعلاج البشره كنتو عند مين وكم كلف؟؟؟؟
ومن افضل طبيب عندهم؟؟؟
وجزاكم الله خير
