عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنات انا في مشكله معقده وماني عارفه لها حل احس تفكيري توقف ومدري وش اسوي
قلت مالي الا خواتي الفراشات يعلموني
مشكلتي
انا لي جاره سكنت قريب اكرمتها عاملتها احسن معامله وتعاملت معها بكل اخوه
من اول زياره لها عندي كانت تتكلم عن خيانت زوجها لها
وكنت استغرب ثقتها الزايده تحكي الي بقلبها من اول لقاء
مع الايام بعد عشره احترام وتقدير دامت شهور
كان عندي اهلي بالبيت جلسو معي ثلاث ايام
اتصلت علي وكنت اعتذر اذا ضيوفي سببو ازعاج لها اوشي قالت لا اصلا ماني بالبيت
قالت بعد حوار موده انتي وش تبغي من محمد؟
قلت نعم من محمد؟
قالت يعني ماتعرفينه ؟
قلت عندنا كثير بالعائيله اسمه محمد اي واحد؟
قالت زوجي
قلت كيف ؟انا انصدمت من سؤالها
قلت اذا تمزحين ترين هذي المواضيع ماينفع فيها مزح
قالت لا ماامزح ولدك الصغير دق بابي وكلم زوجي وقال امي تقول تفضل اطلع للقهوه
ولدي عمره خمس سنوات
قلت شوفي انا ولدي مايسويها لكن انا ماراح احلف لان العيال يسوون اي شي بس خير ان شاء الله
انا اساله واشوف الموضوع وكانت ودها تسبني بس ردي عليها بحترام ماخلا لها فرصه وقفلت
رحت سألت ولدي مايدري وش السالفه
المهم كلمت اهلي وانا ابكي صدمتني بكلامها
وحسيت انا تشك فيني
امهم يوم رجع زوجي خبرته وقلت كلم زوجها عشان لايفهم الموضوع غلط او ياخذ عني فكره شينه
واعتذر منه اذا ولدي دق الباب
المهم زوجي دق على زوجها
وقاله السالفه وقاله ترى ولدنا صغير ومايفهم وانا اعتذر
قال زوجها اي ولد والله مااحد دق بابنا اصلا مااحنا بالبيت
استغرب زوجي وبعدين قال طيب وش الوضع
قال زوجها انا اعتذر هذي غيرة حريم
قال زوجي ليه وش جاها من زوجتي لكن الله يستر على حرمتك لاعاد تجينا واحنا بيتنا احسن لنا
قال زوجها خلاص
المهم زوجي انقهر من تصرفها وقال هاتي جوالك برسل لها رساله اسبها
قلت لاوالله ماترسل احنا ارفع مستوى من كذا
المهم دقيت عليها عشان اسألها ليه تسوي كذا ماترد قمت ارسلت عليها حسبي الله ونعم الوكيل ومسحت جوالها من جوالي
وبعد يومين وزوجها يتصل على زوجي يقول خل حرمتك تكفينا شرها ازعجتنا بالرسائل
ارسلت اربع رسائل من وساختها استحي اقراها
جا زوجي وسألني انتي ارسلتي قلت والله اني ماأرسلت الا حسبي الله
بعد مادقيت وماردت ومسحت جوالها منذاك اليوم
المهم زوجي كله وقال والله زوجتي ما ارسلت لكن وريني الرسائل قال معليش مسحتها قال اذا شوف حرمتك من وين لفقتها
وانتهت السالفه
وبعد مده ام زوجي تخبر زوجي ان حصل مشكله بين جارتي وزوجها وضربها وراحت لبوها
وقالت له انو ولدي دق الباب على زوجها وقاله امي تستناك للقهوه واذا هيه وراه تسمع الولد وكشفت زوجها
واني اذيتها برسائل
وحصل مشكله وان زوجها هددها بطلاق
المهم ابوها جن جنونه وقال لازم اقابل ابو جارتك او ابو زوجها يقصدني انا
وكلم حمواني اخوان زوجي الكبار وزوجي مايدري عن شي
المهم قالو احنا بنحل الموضوع
وتقابلو ببيت ابوها وهدو الموضوع
تخيلو الموقف يوم تقابلو وش قالو
اكيد طول الوقت وهم يتكلمون فيني
واني انا جارتها الصايعه الي بغيت اخرب بيتها لولا الله ستر وكشفتني
باله ايش رايكم في الظلم هذا
بالله كيف منظري قدام الناس الي دريو بالسالفه بذات اني اكتشفت ان هيه وسلفتي متأمرات علي
واكيد بلغت جميع العائيله بالسالفه وانا ياغافل لك الله
امانه يابنات قولو لامهاتكم لانهم حكيمات انا كيف اتصرف
امي مريضه ومقدر اقل لها انتظر ردودكم بفارغ الصبر 
