بنات ابي اسالكم واتمنى الرد ولها دعوه

السلام عليكم ورحمة الله وبركاته
بنات كيفكم انا في الشهر الخامس وكانت عندي المشيمه نازله من يوم كنت بلثالث ورحت قبل كم يوم لاخصائية اشعه وقالتلي المشيمه مرتفعه ومافيها شي وامس رحت لاستشاريه اسمها زبيده في الضوئي وقالتلي مشاءالله المشيمه وضعها زين الحمدلله بس سوتلي تحليل بول وطلع عندي املاح في البول وبكتيريا وعطتني علاج
بس انا خايفه ماادري للحين احس بثقل وتنزل منى افرازات بس شفافه وماادري اتوقع بعد فيني التهابات المهم يابنات انا للحين اخاف اطلع احس جاني زي الخوف وانا لي شهرين عند اهلي تخيلو حتى مارحت لبيتي مع اني مو بكيه وعندي شغاله بس خايفه لان بيتي دور علوي وانا مااطلع الي في الاسبوع تقريبا مرتين بس ماادري اخاف تنزل المشيمه مره ثانيه احس اني تعقدت وكل من جانا بيت اهلي قال اني انا معقده الموضوع والمفروض اني اطلع بما اني خفيت و بلاسبوع مره لاني جتني كئابه من الانسداح تخيلو شهرين ماطلعت من بيت اهلي ابد
بنات بسالكم من قد انزلت عندها المشيمه ويوم ارتفعت مارست حياتها طبيعي ماجاها شي
بنات حتى الجماع قالتلي عادي مره وحده في الاسبوع بس انا ماقلت لزوجي ماودي خايفه قلت باصبر لمى ادخل السادس بعدين اخلي الموضوع عادي
بنات ابيكم تنصحوني لاني مره موسوسه واخاف انجن من الوسواس الي فيني لدرجة اني للحين حاسه ان المشيمه نازله ماادري وكاني اول مره احمل ناسيه الحمل مره والله يابنات تعقدت وبس طول الوقت اصيح مع اني دايم اذكر نفسي اني بنعمه بس ماادري ليه عجزت انبسط وخايفه من رجعت بيتي وبعد خايفه اني اترك بيتي ويمل مني زوجي
بنات تكفون ادعولي ان الله يهديني ويشفيني من الوسواس ويفرح ناظري بشوفة جنيني سليم معافى
والله يارب يرزق كل محرومه ويثبت حمل كل حامل
ادري طولت عليكم تخيلو بنات انا حتى الى الان انام على ظهري مع انه ذبحني بلوجع بس خايفه انام على جنمبيالله يعيني يارب ويعينكم