بناااااات تعالوا اقروا السالفه واكتبوا أنتو بعد سالفات ترى السالفه خطيييرة

يلا يا بنات سولفوا مرجوجه معاكم عالخط ❗
أنا بقول أول سالفه :
الشخصيات : خالتي جوهرة عيالها اللي جايين : عمر : بالجامعه ، حسن : بالجامعه ، لطوف : ثالث ثانوي ، سوير : ثاني ثانوي ، لولو : سادس ابتدائي ، حسين : تمهيدي .
خالتي منى : نورة : ثالث ثانوي ، جوجو : ثاني متوسط ، ميمي : ثالث ابتدائي .
ماما : نورة : أول ثانوي ، أنا : 😆 ثاني متوسط ، أروى : ثاني ابتدائي ، حمود : روضه أولى .
خالتي أسماء : بسام : أول ابتدائي ، بسمه : ما تدرس ، ياسمين : ما تدرس ، مسيكينه هذي الخاله تتعذب وياهم مزعجييييييييييين بشكل غير طبيعي خخخخخخـ
خالتي أمينه : عبودي : خامس ابتدائي .
خالي عبدالرحمن : بالجامعه .
نورة بنت خالي سامي : مخطوبه ، أهلها كانوا في مكه فهي جت معانا .
الشغالات : سعيده : حقتنا ، جمينه : حقت خالتي جوهرة ، ميره : حقت خالتي اسماء
المهم خلصوا الشخصيات والحين السالفه كانت في البر في العطله اللي بين الفصل الأول والثاني :
رحنا كلنا البر نمنا يوم السبت ورجعنا الأحد بالليل وفي اليوم الأول اول ما جينا كانت سيارة زوج خاله أسماء مغرزة هو كان بيجيبها وبيرجع البيت المهم ان كل الشباب راحوا يساعدونه واحنا نرتب وبعدين عقب ما طلعت السيارة ورجع زوجها أنا وعبودي وحسين رقينا فوق الجبل تكسرت رجولنا وخصيصا حسين المسكين بلاه توة صغير وكنا ميتييييييييين من الجوع وعاد سالفه ننزل تحت بعدين نرقا قمت أنا من الجوع الشديد أكلت الرمل خخخخخخـ وبعدين اتصلت خاله جوهرة علي بالجوال وقالت يلا انزلوا غدا احنا انصرعنا وقلنا حراااااااااااام تونا واصلين ما تهنينا المهم اننا نزلنا نتغدا بعدين بعد الغداء رقت نورة اختي وسوير وحسن وجوجو وطبعا نورة اختي كانت متغطيه وانا كنت اطلعهم من تحت وهم في الجبل يعيني اني انا ما رقيت ونورة كانت قاعده تنزل بسررررررررررعه وفجاه دردب طاحت طيحه موتتني من الضحك وحسن وسوير يضحكون جت جوجو جلست جنب نورة قامت نورة انسدحت عليها وقامت تصيييييح صياااااااح غير طبيعي وسوير التنكه قاعده تستهبل وياها وهي تصيح وتقول لها وش رايك اخلي حسن يشيلك وينزلك ونورة ودها تكفخها المهم ان ماما طار قلبها من الروعه وانا اضحك قام خالي عبدالرحمن أخذها ونزلها بالسيارة وأمي شوي وبتموت من الروعه وأنا أشوف نورة وأضحك زياده وهي تصيح زياده المهم ان ماما دخلتها الخيمه ودهنت ظهرها بفكس واحنا المغرب كذا عالعشاء جاء عمر وأخذنا نطعس ونسوق وخالتي أمينه سواقتها كنها في سيارات تصادم والله العظيم وكان عمر يسوق طيب بعدين وقف جنب الخيمه وجا حسن ركب بيطعس فينا قامت أمه نادته قامت خاله امينه ما صدقت نطت وركبت السيارة وقفلت الباب وساقت واحنا ميتين من الروعه والله العظيم اني بغيت أسوي على نفسي من الروعه :(وبعدين يوم رجعنا سألت نورة وش سويتي قالت سولفت ويا الصراصير خخخخخخخخخـ المهم اني تعشيت ونمت على طوووووول كنت مررررررررررة تعبااااااانه وبعدين انا وعبودي قمنا الصباح بدري ورقينا الجبل على ما باي يسةةن الفطور ولا تخافون جبنا اكل احتياط وكاميرا وفرشه خخخخخخخـ بعدين نزلنا نفطر وبعد ما فطرنا أنا وعبودي رحنا جبنا جالون مويه وكبيناه على الرمل وسينا أشياء سوينا بير وقلعه ومطعم وفله خخخخخخخخـ وبعدين يوم خلصنا أذن العصر احنا صلينا وقعدنا مع خالاتي وناسه كله بطاطسات >> ماهمني الا بطني المهم يوم أذن المغرب جاء زوج خالتي جوهرة وشوا لنا العشاء بس انا ما كليت تعرفون ليه ؟؟؟ عشاني ما احب الدجاج ولا اللحم ولا السمك ولا الربيان ولا آكلهم أنا نباتيه بس آكل من الدجاج الشاورما والهمبرجر المهم عقب ما تعشينا لا يفوتكم شكل الشغالات قاموا يصارخون صراخ غير طبيعي عشان ايش عشان جربوع الحمدلله والشكر الله يخلف عليهم عاد انا الشجاعه رحت ومسكته بيدي عااااادي والبنات متقرفين لا تمسكينا وانا من النحاسه قمت ألحقهم وفي يدي الجربوع احسن يستاهلون بنات آخر زمن حتى الجربوع ما يمسكونه المهم جاء زوج خالتي جوهرة قال لولده عمر جب أخواتك وأمك ومن زود الفطنه اللي فيه قام غرز السيارة وقام يغرزها أكثر عشانه ما يبي يتأخر على أبوه قام ركبهم بالونيت ووداهم ورجعوا البيت واحنا ننتظر السيارة تطلع وعمر نادا اخوياه عشان يطلعونها معاه قاموا أخوياه الله يجزاهم خير طلعوها ورجعنا البيت وفي ربع الطريق نمنا من التعب ويوم وصلنا البيت أنا على طوووووول الحمام أتروش وكلنا تروشنا …
وفي اليوم الثاني رجعنا لديرتنا الحبيبه الشرقيه …
وألف ألف مبروووووووك خلصت السالفه عقب ما تكسرت يدي 👿 والله يدي مررررررة توجعني …
المهم انا قلت السالفه الأولى أحد يقول السالفه الثانيه ما أبغا يدي تتكسر لو سمحتوا 😳