بنااااااات انا ولدت.. وهاذي قصتي..

طبعا اخر الشهر الثامن كانت اتجيني تقلصات واروح للمتشفى ويقلون مافي ولاده ارجعي ..
مليت من كثر ماروح وارجع ..
المهم,, قبل العيد بفتره..قلت لنفس يابنت روحي جهزي اغراض العيد لولدج(سنتين ونص) اشتري اغراضه يمكن تصير لج ولاده مبكره ..بعدين من يجهز لها ملابس العيد(قلبي ع ولدي هههههههه وكشخته)
قلت يا الله لازم اروح السوق..
كلمت اختي وقلت لها جهزي عمرج بمر عليج تروحين معاي ..
وكنت توي داخله التاسع ماكملت اسبوع
خذت اختي ورحت السوق من الساعه3 العصر لين 8 وانا امشي افر السوق فر
طبعا ماقعت الا اذا اقيس لولدي (جزمه) اعزكم الله
او بشوف شغله با المحل .. وللصلاه ..
المهم اخي تقول خلاااااااااااااص تعبت من المشي ابي البيت وانتي بتولدين من المشي
طبعا انا ماعلي من كلامها واقول في نفسي الولاده بعييييييييييده ويني وينها

المهم رجعت البيت اهلي لقيت الوالده وجارتنا ..
وسوالف وعشا وضحك ..قالت وحده من جاراتنا احس ويهج تعبان .. قلتت ماعليج مافيني الا الخير >>>خوفتني يوم قالت كذا
وقبل ما اروح لبيتي قلت لامي انا جهزت ملابس ولدي للعيد باقي انا
اروح بكره ان شاء الله اجهزها
قالت لي لا انتي خلج بروح الاحساء وبشتري لج فستان حمل ناعم هناك تهبل .. قلت خلاص ..
لبست عباتي اجهز قبل يجي زوجي .. 👿
قعد ولدي يصيح يبي يطلع الشارع قلت يا الله ما اردها بخاطره طلعت برا وقعت امشي رايحه راده ع طول الشارع مع ولدي لين وصل زوجي ورحت البيتي.
لقيت بنات عمي سهررت معهم .. وبعدها نمت ..

الفجر .. فجأه صحيت ع شئ ينزل مني بسرررررررعه…قمت وانا مفزوعه وخاااااااايفه قلت معقوله اسويها وانا نايمه شفيني انهبلت (اعزكم الله فكرت اني تبولت بدون ما ادري)
رحت للحمام وتبين انه الماء..اللي انسميه الهادي

اتصلت ع امي وانا مو مستوعبه ان ممكن تكون ولاده
قلت يمه انا نزل مع الماي .. ردت علي وشكلها مو مصدقتني . وحي المستشفى واذا قالو ولاده كلميني.
المهم توضيت وصليت(للحين مو مستوعه انها ولاده)
بعد الصلاده رحت الحمام اشيك..لقيت شوي دم .. قلت لا والله ولاده خفت وحسيت عمري ضيعت التفكير ومخي تسكر ..ههههههههههههههههه

اتصلت لامي قلت يمه قوووووومي انا بجي اخذج معي ولاده
قات طيب
قعت زوجي .قلت ي الله بولد ؟>>ع طوووول ههههههههه
قال من صجج تكلمين >مو مستوعبني يحسب امزح ..
المهم خذيت امي ورحنا المستشفى وطول الطريق الطلق حامي وانا ساكته وصابره
وصلنا وقالت الدكتوره اني فاتحه 5سانتي
مدري ليه يوم قالت كذا حسيت الالم زااااااااااد
رجت غرفه الولاده .. وتميت وعندي امي الله يحفظها ويطول عمرها
زاد الطلق وانا خلاص ماتحمل ؟؟ قعت اقول للممرضه بليز ابي ابره ظهر
بمووووووت من العوار .. خذت مني دم وقالت بعد ساعتين عطيج لازم نسوي تحليل دم قبل ..
المهم مرت ساعه والابره ماوصلت وانا خلااااااااص مت قعت اترجى امي تقولهم يستعجلون وامي فديتها شكلي قطعت قلبها وتقعد تقراء علي وتقول تصبري يمه بتجي الابره
المهم الممرضه ضربتني ابره ورك وعطتني الكمام الاسود لين ماتجي ابره الظهر
هنا انا تخدرت
وكل مازاد عوار الطلق قعت وانا دايخه اقول بيطلع بيطلع ابي ابره الظهر
وطبعا الى الان ابره الظهر ماوصلت,,
شوي الا الام زااااااااااااااااااااااد واصرخ على النيرس اقول بيطلع البيبي ..وووووووووين الابره؟؟واول ماكشفت قالت ولاده .. وشالت الكمام الاسود .. عشان اقدر اصحى اشوي .. وانواع الصراخ قبل ماسيطلع البيبي
والحمدالله ولادت ..وربي سهل ..