بناء ع طلب عضوة ماافتكرها نزلت موضوعي ( تجربتي في علاج وجهي نظارة + وجه نااااعم ) ‘

نزلت موضوعي اليوم لان وحده من العضوات ناسية اسمها وان شاءالله تقرى موضوعي
طلبت مني اكتبلها تجربتي بعلاجي لوجهي ..

صابتني عين كفاكم الله واتعالجت بالرقية الحمدلله بس باقي اثار وجهي ماراحت
والله ي بنات عانيت معاناه مو طبيعيه وجهي كان جدا جدا جدا بشع من الحبوب
رحت لمستشفى كبيرة بجدة ووصفلي الدكتور 3 ادوية ماتكلفك اكتر من 100
راح احط الصور وتفاصيلها .. الصور من النت يابنات

1- صابونة سيتافيل طبية سعرها 33 ريال او 34 ماني فاكرة بس بهالحدود استعمال يومي
اذا بشرتك حساسة استخدميها كل يوم عادي ومالها مرات معينة حتى بالشاور انا جسمي مرة حساس يوم احد يتنشف من وراي بالمنشفه ومن غير علمي اعرف بالحكة اللي تجيني حتى لو تغسل
فهالصابون مرررررررررررررررة ناسبني والله يابنات لاتجارة ولا شي بس حبيت اسوي خير ( صورة الصابون مدري الكرتون اللي ع اليمين لا تطالعوا فيه مدري وش سالفته لانه من النت )
http://www.satfrequencies.com/girls/images/up/…5964974048.jpg

2- الافضل بعد الصابونة هالكريم عاد ماعليه كلام توزعيه ع كامل وجهك
مرتين في الصباح والمساء بس اهم شي فيه اكثر من نوع انتي خدي اللي خطه احمر واورنج
سعر الكريم مابين ال19وال 22 ريال
http://www.satfrequencies.com/girls/images/up/…1838863664.jpg

3- هالحبة اعطاني اياها قلي كلي حبة وحده بالمساء بعد او قبل الاكل ماتضر
ومررررررة صغيرة الحبة تضيع بلسانك للي يخافوا من بلع الحبوب الحبة ب33 ريال اظن مو مفتكرة

http://www.satfrequencies.com/girls/images/up/…1819039487.jpg

قسم بالله تلاحظي الفرق من ثاني استخدام .. والله يابنات وجهك يكون ناعم ونظيف مو ابيض ابيض
زي ماالاغلبيه بتبالغ لا … نفس لونك بس تحسي فيه شي غريب انا ثاني يوم سالوني 4 اشخاص فيك شي متغير

بالاخير انا مااسوي دعاية ع المنتج لانه متوفر بالصيدليات ولا ابي الا الدعاء
بس يابنات انا جلدي حساس مدري انتوا اذا يناسبكم ولالا بس الصابونة تناسب الكل