بموووت قهر وخوف وقلق

بدخل بالموضوع على طول مافيني انسق واجيب مقدمه مال امها داعي

متزوجه من سنه وخمسه شهور احب زوجي ويحبني بشكل جنوني ماينام من غيري مايرضى انام عند اهلي يومين على بعضها من كثر حبه وشوقه لي حتى وانا معاه حبيته بجنون من ايام الملكه كان فارس احلامي اللي كنت احلم فيه على قولتهم المهم عرفت ظروفه انها صعبه شوي تحملت لان راتبه بسيط بيتي من غير اثاث تحملت وصبرت وقدرت بس كنت اعصب اذا وحده من صديقاتي قالت بتجي او من قريباتي وكان يزعل مني واقوله اعذرني بس مقهوره بيتي مو كامل يقول انا ودي اكمله لك بس والله ماعندي المهم قلتله خلاص اهم شي حبنا لبعض وانامن داخلي بمووت قهر لين يومنا هذا من فتره زادت المشاكل بيننا على اتفه الاسباب صارت كل اسبوع تقريبآ صار يمنعني من اي طلعه بدون سبب خصوصآ الزواجات بحجة العريس بيدخل او في موسيقى مره اسمع كلامه عشان اتفادى اي مشكله بتصير ومره ازعل اذا شفت ماعنده اي عذر قبل فتره كان زواج ولد خالي وخاله هو بعد لان زوجي ولد خالتي قال مايبيني اروح من غير سبب (انا فكرت قلت يمكن لان ولد خالي كان يبي يخطبني قبله بس زوجي سبقه وسألني ايام الملكه قالي سمعت واحد من عيال خالي فلان كان يبي يخطبك قلتله مدري انا اشوفهم مثل اخواني وانتهت السالفه ) المهم اصريت اروح لاني ماشفت هذا سبب قوي عشان مااروح قلتله اذا عطيتني سبب بسمع كلامك المهم جلست بيت اهلي اسبوع زعلانين من بعض وبعدها حاول يقنعني مااروح قلتله فكرت مالقيت غير انه موضوع ثقه ياموواثق فيني او مو واثق في نفسك قال لا مو كذا الموضوع المهم قال براحتك روحي وماكان زعلان المهم يوم الزواج رحت للكوفيره وخلصت وتأخر علي ساعه تقريبآ عصبت بس مابينت له رحت بيت اهلي لانه قريب من القاعه وكان ينتظرني عند ابوي المهم انا خلصت نزلت مالقيته دقيت عليه قال انا في بيت اخوي بيت اخوه قريب من بيت اهلي قال الحين اجيك المهم جا اخوي بيآخذ امي وخواتي قال اخوي الكبير روحي معاهم وانا بدق على زوجك لايجي قلت اوكى طلعت السياره وقلت لازم ادق انا دقيت مارد علي المهم نزلت القاعه وانا زعلانه منه لاني حسيت انه متعمد يأخرني المهم الرجال عصب ودق علي وقال كيف تروحين من غير علمي لان اخوي مادق عليه الله يسامحه قلتله باللي صار قال انتي اصلا ماتعتبريني رجال ومدري وشو ومن هالكلام المهم بعد الزواج رجعني بيت اهلي قلتله ماتبينا نروح بيتنا قال لأ وبعدها بثلاث ايام كان في زواج وحده من القرايب ولازم اروح لانها يوم زواجي تركت مناسبه مهمه عند ناس وجت عندنا المهم دقيت عليه قال لا ماتروحين قلت ليش قال اذا صرتي عاقله بخليك تطلعين انا عصبت وقلتله غيري يتفاهمون معاك مو انا وسكرت المهم رحت طيران لابوي وانا ابكي واصارخ قال دق على فلان قال ليه قلت كل طلعه لازم نتهاوش وابكي ومايرضى قال ليش قلت يقول كذا قال من غير سبب قلت ايه قال طيب المهم ابوي كلمه وقاله لو هي بتروح مكان غلط انا بقول لا قبلك قال خلاص تروح المهم دق علي معصب يقول والله لاخليك تندمين ليش تقولين لهم ومدري وشو المهم رحت ومن فتره كنت تعبانه للحين وامس مره تعبت كنت بمووت من الالم ارسلت له رساله ابيه يوديني المستشفى تخبلو ماجا ماتوقعتها منه توقعت بيجي والله صدمني بقووووووووه حسيت كل شي بهالدنيا كرهته واليوم ارسلي يقول مشوار حبنا انتي نهيتيه خساره وبعدك ماشفتي شي قلت ماصار يهمني شي بعد موضوع امس (اقصد موضوع المستشفى) رد يقول من بعد الاسبوعين اللي بعد الزواج وانتي معيشتني في الم وبحر بصل من بعد العسل رديت له شكرآ

بموووت من القهر صبري على ظروفه والراحه اللي كان فيها ماعمر كلفت عليه بشي فوق طاقته دايم حاسه فيه اذا رآسه عوره امووت من خوفي عليه والحين ينكر هالشي اكتب لكم وابكي من اللي قاعد يصير لي مدري ليش يصير معنا كذا فجأه انا حاسه انه حسد لاني مره كنت مع صديقاتي وكل وحده تحكي عن زوجها وقلت لهم مايرضى بنام من غيري ومن هالكلام والله يابنات من يومها مشاكل مالها آخر خايفه اكون ظالمتهم مدري مدري وش السالفه

على فكره في مسجات ماذكرتها منه طبعآ اللي فهمته منها انه خلاص اللي بيننا انتهى

ادعولي تكفون بتفريج همي احس ودي ارجع له وما ودي من موقفه