بليييييييي ساعدونـــي مااعرف كيف اتصرف

السلام عليكــــــم

شخباركم فراشاتي الرائعات

بدخل بالسالفه على طول واتمنى تساعدوني والله ماادري ايش اسوي

انا عمري 22 سنه متزوجه قريب يعني توني عروس ماشيه بالشهر ال7

ولين الحين ماحملت وبالاشهر الاول كانت ام زوجي كل شوي تسأل ولدها ها مافي شي بالطريق

وكل بعد فتره تسأل اخر شي قالها ولدها الله يكتب اللي فيه الخير ..

والمشكله الحين زوجي كل شي يجيب لي جهاز التحليل المنزلي ومافي شي

الشهر اللي راح تأخرت الدوره 7 ايام و كنت احسن بألالم

وبعد 3 ايام تاخير نزلت الدوره وزعل ابو شباب بس يحاول مايبين انه زعلان

وكل مااروح المستوطف حق الحين الدكتوره تقول

(( مااقدر اسوي لك اي شي الا بعد ما تكملي سنه من زواجك وبشرط يكون الاجماع منتظم ))

وطلعت من عندها ودمعتي على خدي و زوجي كل شهر يقولي لازم تحملي هالشهر

صرت اضايق من هالموضوع تكفون ساعدوني وكل مااجي اكلم امي بالموضوع مااقدر لان امي خجوله مره