بليييز سااعدوني والله محتاجتكم….

كيفكم؟ ان شاء الله كويسين

راح ادخل بالموضوع على طول

انا متزوجه من 3 سنوات ولله الحمد

وماحصل حمل خلال هالفتره

وبصراحه ما اخفيكم نفسيتي تعبت كثير خاصه بعد مرور سنتين

صرت اتحسس من كل شي

ونظرات الناس ماترحم ابد

كأن حياتنا هي حياتهم

قاعدين يتدخلون في كل صغيره

وكل ما يشوفون وجهي يذكروني بالموضوع

حتى اهل زوجي كل ما يقابلون زوجي يسألونه عن هالشي

ودايم يقولون اذا فيكم شي لاتخبون علينا

وانا وزوجي بصراحه اتفقنا انه اي احد يسألنا نقوله انه عملنا الفحوصات وانه احنا سليمين

لأننا من جد تعبنا من كثر الاسئله

وزوجي دايم يقول ماراح نشيل هم الموضوع ولا راح نفكر فيه الا بعد فتره – بعد مرور خمس سنوات-

بس امس قالي ايش رايك نروح نحلل ؟

علشان نشوف اذا في اي واحد منا حاجه نعالجها بدري

وافقت طبعا وقلت انا ماعندي اي مانع

بس قلبي يعورني من امس

خااااااايفه مرررره

بليز ساعدوني وخففو عني

اخاف يطلع في واحد منا شي

لا حول ولا قوة الا بالله

المهم خلال الايام الجايه راح نبحث عن دكتوره كويسه او دكتور كويس يعمل لنا الفحوصات

الله يخليكم ادعووو لنا بليييييز

واذا تعرفون دكتور شاطر او دكتوره شاطره في الرياض ياليت تدلونا عليه

مانبغى استغلال من البدايه

لاتهملوني راح انتظر ردودكم