بلييز الحقوني زوجي بيروح مني؟؟

بدخل بالموضوع على طول؟؟

مشكلتي في زوجي انا متزوجه لي 3سنوات وعندي ولد
زوجي له فتره مرررره متغير علي ماادري وش السبب وصاير يخبي عني اشياء كثيره مو من عادته معي ومايهتم بولده مره زي اي رجال فرحان بولده
من تزوجته وعرفته كل شي يقوله لي ويسويه اعرفه وتعامله معي بحب وحنان وكل شي وانا نفس الشي مااقصر معه والله الشاهد من جميع النواحي من لبس واهتمام بلبسه والبيت واهتمام بنفسي من لبس وحركات يعني دايم اتجدد واهتم فيه وبنفسي وحتى بالكلام الحلو والزين
ماادري وش اللي غيره صاير جاف معي صاير دايم يتضايق مني ويجرحني عادي عنه ولا كنه سوى شي
وانا من االنوع الحساس بصراحه
واول كان يراضيني اذا زعلت او غلط علي الحين عادي مايهتم اصيح ازعل بالطقاق
تعبت صرت الحين اطنش واسفهه واعامله بجفا
ودايم يجرحني واحاول اسوي نفسي عادي اضحك وابتسم واقوله مشكور ياحبيبي
واستقبله احلى استقبال واجمل الاطباق وكل شي
والحين يوم صار كذا معي وصاير يرفع صوته علي ويزعل ويهاوشني على اتففففففه الاسباب ويجرحني كثير ومايهتم حتى السرير ماابييه لدرجه اني كرهته مووووت
ومابي حتى اشوفه ولا اسولف معه ودي انه يسكت ودايم متضايقه ودمعتي على خدي
احاول اني اسولف معه واضحك معه مانفع وكم مره اقولك وش فيك ياقلبي وش اللي جاك مني وش اللي متضايقك مني
واول دايم يمدحني بلبسي واهتمامي وطبخي والحين ولا شييييي ولا يعلق
مايطيق مني كلمه ونا نفس الشي
كم مره نتهاوش لدرجة اني اطلبه يطلقني وفجاه نرجع لبعض ولا كنا شي صاير
واول اذا كنت ابي انام عند اهلي يقول لا مااستغنى عنك افقدك
والحين يقولي نامي كيفك سوي اللي تبين
وربي تعبت دايم ادعي ربي واقوم الليل واستغفر اااه يارب ساعدني
ابي حل وش السواة
واقوله نبي نسافر نغير جو يقول مو لازم دايم ياجلها
وحتى مقصر معي ماليا ودايم كنت اراعي شعوره ومااصرف ولا اطلب منه شي دايم عايشه على مكافأتي كل هذا عشان ماانكد عليه ويقول ماعندي انتي خسرتيني وماتخلين شي
وانا وربي والله العظيم اني احرم نفسي من اشيااااااااء كثيره تعودتها عند اهلي الله يخليهم لي يارب وانحرمت منها مع ان راتبه مشالله يسمح ودايم يقول ماعندي وانقهر واسكت
واحيانا اتهاوش معه
ومره طلبته جوال جديد يقول ماعندي فلوس انتي كل شي تبينه
اااه ياقلبي بس
ويوم طلعت معه من بكره وكان بيسحب من الصرافه سويت نفسي اني ماانتبه له
وشفت رصيده مبلغ وقدره يعني مبلغ محترم