بلا كيف ٍ ..باُعجوبه …!!

صوت الحزن في سواليفك يبكيني
’’ و يشبّني لك قصيد ٍ..شقّ لك ثوبه

و ليت الحزن ما يدّل دربك .. و يجيني
’’ و أصير لك حزن ٍ .. ما له من الحزن توبه

نخيت عيونك .. و يا ليتك تحسّ فيني
’’ تعطيني الأمل اللي له زمن ناشل ٍ ثوبه

جيتك مشاعر .. و شوقي لك يناديني
’’ لبـّى القوافي و من هي له تكون منصوبه

جيتك ولَه ..و يا ليتك تدفيني
’’ لاشعل فـتيل الجروح اللي برَت نوبه

لقيت بك قلبي اللي انتحر فيني
’’ و بانت علوم ٍ .. كانت قبل مكذوبة

و لقيت بك عمر ٍ ضاع بعالم سنيني
’’ و أحلام عذراء و قصّة شوق منـهوبة

و جيتك .. و لا به غير صوتك يخاويني
’’ غيم ٍ يهلّ المطر ..يا ليتني صُوبَه

و لفيت روحي .. و قلبي اللي انجبر فيني
’’ و خلاّني أتبعك بلا كيف ٍ ..باُعجوبه!!

و الله لاصبّ الفرح من داخل شراييني
’’ و اشبّ جمر القهر في كل رعبوبه

و ارجع و اقول .. هاذ عمري و سنيني
’’ و يقول لي : … أنتي الحب ّ و أسلوبه