عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم بناااات
ان شاء الله تكونو بألف صحه وسلامه
عندي مشكلة صغيروونه منكده علي بصراحه
هاليومين عند اقاربي عزيمه ولازم احضرها
لأنهم اقاربي مررره
من ضمن اللي راح يحضرون العزيمه بنات من اقاربي
ما ادري كيف اشرح لكم وضعي معاهم
دائما أتأزم نفسيا اذا عرفت انهم راح يجوون
كياني كله يتلخبط
احس اني مكتئبه واتمنى تنتهي العزيمه باسرع وقت
بتسألوني ليش؟
ما ارتاح لهم لأنهم ينتقدوني على اتفه الأسباب
ويراقبون تصرفاتي
ويلاحظون كل شيء فيني
اذا مسمره قالو اسمريتي
اذا نحفت قالو نحفتي
اذا سمنت قالو سمنتي
لدرجة انه حتى المؤخره يطالعون فيها الله يعزكم علشان يشوفون تغيرت والا لا
والشيء الاخر نظراتهم نظرات استحقاااار لي انا واهلي
مع انهم قريباتي مرررره للأسف
بس يشووفون مفسهم فووق لأنه وضعهم المادي كويس وافضل مننا
ما يسولفون معي ويستحقروووني مرررره واذا سولفو بس يعلقوون علي
تخيلوو احيانا اكون متحمسه واسولف يطالعون لي من فوق لتحت
او يلفون بوجيهم
او يسوون نفسهم ما يسمعوون
مع انه والله انه باقي اقاربي يحبوني واسولف معاهم ويعاملوني بكل احترام
الا هالبنات …. ليش ما ادري؟
موب انا لوحدي ملاحظه عليهم هالشيء
ايضا عندي ناس من اقاربي لاحظوو هالشيء
لدرجة انه مرره قالو لوحده من قريباتي ذوقك في لبسك شين!!!!
ويقولونها وهم مكشرين بالمره
مع انه البنت ذوقها حلوو ما عليه ما يوصل لدرجة انه يكون شين
ومره قالو لوحده من قريباتي واخيرا لبستي شيء كويس بالعاده ماتلبسين الا خلاقين!!!!
يهتموون بالمظاهر جدا جدا
واذا حضروو مجالسنا يتكومون في زاويه ويسولفون مع اللي يهونه
واحنا يطالعون لنا بطرف عين
خاصة انا بالذات واهلي
مرره حضرت عزيمه لهم بنتهم لما شافتني انقلب وجهها وقامت تكشششر
وتلف بوجهها عني
!!!!
انا بصراحه ما ادري كيف اتعامل معاهم
قلت راح اطنشهم ولا كأنهم موجودين في المجلس بس ما يتركون الواحد لحاله يستلمونه تعليقات
مستقوين مررره ومتكبرين مررره
وامي تقوول عيب عليك اندمجي معاهم لأنها تحبهم وللأسف ماتدري عن حركاتهم
احاول افهمها لكن تقولي هذي شخصياتهم
طيب ويش اسوي بهالشخصيات اللي تجرح وتأذي الناس
حتى ارسلهم في الاعياد رسائل معايده
مع انه رقمي مسجل عندهم ما يردون علي
ومرره كان عندهم عررس قاعدين يقولون لنا البسووو فساتين كويسه موب رخيصه
لدرجة اعطونا اسم محل هنا في الرياض وقالو لنا اشترو لكم من هالمحل>>> يتشرطون الله يشفيهم
المهم امي قلبها طيب ودتني انا وخواتي للمحل ولما شفنا اسعار الفساتين وااااووو ناااااااااار
اقل فستان 15000
خمسة عشر الف ريال سعودي
واحنا في عايلتنا متعودين انا وخواتي ماندفع اكثر من 2000 للفستان الواحد
طلعنا من المحل وشرينا من المحلات اللي احنا متعودين عليها وكانت فساتينا حلووووووه بالمره
وكالعاده يطالعون لنا بطرف عين
لاننا ما شرينا اللي يبغون
وش اسوي
خلاص انا قررت اوقفهم عند حدهم
صحيح ماراح اتهاوش معاهم
بس ابغاكم تدلوني كيف اتصرف معاهم
بحيث اوقفهم عند حدهم واخليهم يفكرون مليون مره قبل ما يتجرأون علينا بالحكي او بالنظرات السخيفه
انتظركم حبيباتي
