عالم البنات النسائي كل ما يخص المرأة العربية من ازياء وجمال والحياة الزوجية والمطبخ
,,,,,,,,,,,,,,,,
من الطفش قلت فنفسي خليني احكيكم قصة ولادتي الحلوة
مادري ليش كان عندي قناعة انو ولادتي حتكون سهله
احسب الاخواات زي بعض هههههه
اخواتي ماشاء الله بكريات يبدا الطلق معاهم على 8 الصبح مايأدن الظهر الا وهما والدين
وبصراحه دايمن كنت ادعي بأنو ولدي يكون سليم معافى
ماكنت ادعي لنفسي !!
نجي للحكاية
بدا معايا الطلق بعد مانزلت سدادة الرحم كان خفيف مرره بس الشي الغريب انو كان
منتظم يعني ابدن مارتحت شغال طول الوقت
بس عادي كنت اروح واجي واكل واشرب
حكيت ماما قالتلي تعالي عندي خلاص ولادتك قربا ياليوم يابكرة ان شاء الله
رحت بيت اهلي ونمت بس نومه ماكانت مريحه عشان الالم
المهم قعدت احسب بين الطلقة والتانية كان ربع ساعه
استنى الالم يزيد مازاد ولا نقطة زي ماهو منتظم
مر يوم ومر اتنين اليوم التالت والرابع زاد شويا يعني مع كل طلقة كنت اتأوه وكان كل 7 دقايق بس بصراحه
نفسيا تعبت اكتر وطفشت وقلت لماما خلينا نروح المستشفى
جا زوجي واخدني كشفت عليا الدكتورة قالت مررة بدري لسا يادوب نص سانتي
حسيت باحباط وخوف لانو النص سانتي الين 4 مفروض ينفتح بدون الم وحطتلي الجهاز
الي يييبين ازا فيه طلق طلع مافي
انا انصدمت بصراحه وشلت هم ازا دا الالم متعبني كيف لو كان اقوى محا اقدر
اتحمل !!
اليوم الخامس زاد الطلق سار قوي سارت مع الطلقة صرخه هههههههههه
طبعا دا كلو في البيت سويتلهم مناحه وقلبت البيت هم
رحت المستشفى قالت 1ونص دا في النهار قعدت ابككككككككي قلتلهم حرام عليكم
تعبانه ماقدر اتحمل
حطتني عالجهاز قالت مافي طلق بلا دلع
والله كان نفسي وقتها اصقعها كففففففف اطيرها انا في ايه وانتي في ايه
المهم ادتني ابره مهدأة ورجعت البيت نمت شويا
رجع الطلق وكل مالو يقوى دقيت على زوجي قلتلو وديني ماقدر اتحمل ووداني
برضو 1 ونص
ورجعوني قعدتلهم في البيت بس ابكي ولا اكل ولا اشرب مااقدر والله مو دلع
المهم وداني قالو 2 بسسس انا نفسيتي مرره تعبت والله خلاص قلت لزوجي حرام عليك
حموت من الالم ودوني مستشفى تاني
رحت مستشفى تاني قاست قالت تلاته
لسا بدري
ماما قالتلها البنت حتموت من الالم ماينفع تدوها مهدئات
قالت الدكتورة الا حكتبلها تنويم ونعطيها مهدئات
وفعلن اتنيمت وقعدت عالمهدئات تلاته ايام والله كلام فاضي الطلق مافي شي يهديه 🙁
على اخر يومين الي هما يوم الربوع و الخميس صرت مع كل طلقة اصرخ بكل صوتي
امسك يد ماما بكل قوتي ولا اعض المخده واقولهم حموووت حمووت وابكييي
ابغى اولد قيصري ولدوني وماما صارت تبكي خخخخخ
المهم جات الدكتورة قالتلي قومي امششي يمكن يفتح شويا
وفعلن بالقوة مشيت ومشيت ومشيت ورجعت كشفت القابله مو الدكتورة وقالت 4 ونص
انا من الفرحه كأنو احد قلي مبروك ولدت
قالتلي امشي شويا كمان وعالكشك بعدها
انا اتحمست قمت امشي وامشي وامشي وربعدها رحت عالكشك
كان معايا زوجي وماما وخالتي
دخلت الحمام ورحت عالكشك تررى مرره كنت فرحانه ههههههههه
وفجأة اطالع ورايا الاقي طرف عباية ماما شردت ماتبغى تحضر الولادة 🙁
زودجي طردتو قلتلو مابغاك اطلع برا خخخ كنت ندمانه وقتها اني اتزوجت
وخالتي خرجت
المهم جلست عالكشك وحطيت الكمام وسرت اشم منو زي السكرانه ولا فيه فايدة مع
كل طلقة اصرررخ بكل صوتي
والله يابنات كنت ارتاح بالصراخ
جربت اني اكتم تعبت والالم كان اقوى
جات الدكتورة تقيس الرحم وكان يتكلمو انجليش يحسبوني مو فاهمه
كان تقولها مفتوح 3 سانتي بس كيف تقولي 4 ونص !!
والقابله كانت تصحك وتقول صصباع مصري غير صباع قلبيني وتضحك من قلبها
ااه بسسسس
المهم انا سمعت الكلام من هنا سرت ابكي بكل صوتتتتتتتتتتي وانادي ماما تعاالي حيلعبو فيا
هههههههههههه
والله مرره احزن
ماما ماقدرت تجي جاتني خالتي وقعدت احكيها اش صار قعدت تهديني وتقرا عليا
الدكتورة طلعت فوق
انا صرت متوترة اكتر قلت للقابله نادي الدكتورة قالت مااقدر الين مايفتح الرحم المهم
قالتلي انتي تبغي تكلميها ادق عليها
قلتلها ايوا واخدت السماعه ابكي واقول دكتورة تعالي عندي انا حمووووت خليكي معايا
حزنت عليا وقالتلي لا محا تموتي دحين جاية وجاات
((كل مافتكر دا الموقف ادعي واقول يارب لاتحوجني لاحد من خلقك ))
المهم كانت قاعده معايا طول الوقت وشويا تطلع تكلم دكتورة تانية تسأل اش اسوي
واش مااسوي
الطق وقتها زاد ومع كل طلقة كنت اصرخ وابكي وبعد ماتخلص اقول يارب ارحمني يارب ارحمني
وبعدين قرأت سورة الزلزلة وسبحان الله بعدها سار يفتح بسرعه
حتى الدكتورة قالتلي بعد ماقريتي الزلزلة الرحم سار يفتح بسرعه
وكنت ادعي في نفسي يارب يغمى عليا
كنت ادفع ولا كأني اسوي شي مررة مافيا حيل من اسبوع ونا تعبانه لا نوم ولا اكل ولا شرب عدلين
جات الممرضة والقابله يضغطو على بطني احس روحي بتطلع مع كل ضغطي
الضغطة التالته شرف عبودي
ونا اغمى عليا ماشفتو لحظة ماخرج 🙁
صحيت على خالتي كانت تخبط على وجهي وتقولي وولدتي وجبتي ولد زي القمر ياعمري اخيرا رجع لونك 🙁
طليت ورايا لقيت مامتي وزوجي
….
وبسسس
ولدت صباح الجمعه دخلت الكشك الساعه 12 الليل ولدت الساعه 5 الصباح
ولدي دخل الحضانة شرب من المويا ودخلت في بطنو اوساخ
تبغو الصراحه لما شفتو مانسيت التعب زي ماقالو البنات بالعكسس كنت مااحبو والله
بس دحين صرت اعشقو اموت فيه ادعولي ربي يخليلي هوا
وتوته توته خلصت الحتوته
