عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هاااااي ياحلوين ❗
هذي قصيده عن اهلي وعزي (الخوالد)
للشاعر: نهار عبدالله الخالدي
حنـا بنـي خالـد كسابـة الطيـب
** تشهد لنا العدوان قبـل القرابـه
حنا هل الميقـاف وقـت المواجيـب
** تاريخنا من عصر دور الصحابه
حنا هـل التقديـر بيـن الاجانيـب
** عند العرب نحضى بقدر ومهابـه
حنا ليـا هلـت دمـوع الرعابيـب
** نقدم على الموت الحمر مانهابـه
حنا ليا صـارت حقـوق ومطاليـب
** ناخذ ولا نوخـذ نهـار الطلابـه
حنا ليا عكـر لصافـي المشاريـب
** نطفي ضما العطشان مثل السحابه
حنـا ليـا هبـت سمـوم اللواهيـب
** ربيعنا يابخـت منهـو حضابـه
حنا ليا مـن كشـر انيابـه الذيـب
** ما نحسب حساب لقنيب الذيابـه
حنا حماة الخيـل والفطـر الشيـب
** يوم الليـال الماضيـة ينغزابـه
حنا الدواء لجروح عطب المضاريب
** لا طاح بالميدان ينزف صوابـه
حنا مقر الـرأي عكـف الاشانيـب
** صغيرنا فالرأي يحسب حسابـه
حنا ليا صاح المنـادي لـه انجيـب
** يفرح ليا سمع المنـادي جوابـه
حنـا منازلنـا بـعـال المراقـيـب
** امن الحساء لحدود تدمر وطابـه
حنا لضيف الجـار عـز ومعازيـب
** انجود بالماجـود حـزت غيابـه
حنا سيوف الحق بيـن الاصاحيـب
** تـزداد فينـا بالشدايـد صلابـه
حنـا وهبنـا عالـم السـر والغيـب
** شجاعة ٍ ماهي مـع كـل لابـه
والنعم في كل القبائـل عـن العيـب
** افعالهـم بالمجـد حافـل كتابـه
اقولهـا مـن دون شكـه ولا ريـب
** شاعر وامجـد لابتـي بالنيابـه
تحياتي
..كـيـوده..
