بغيت اولد بالليموزين قصة ولادتي

السلام عليكم ورحمة الله وبركاته
اللهم لك الحمد اللي من علي بولادة سهلة يارب لك الحمد المهم ندخل للموضوع بس كل وحدة تقول ماشاء الله
ياطويلات العمر يوم الثلاثاء 2/3 /1431 ه قعدت من النوم الساعة خمسة الفجر وسويت لي كاستين حليب بالزنجبيل وقعدت اشفط فيهم واسلف مع بنات التجمع ولافيني اي الم المهم مرة اكلم بالجوال ومرة اسولف مع البنات المهم كان موجود معاي من البنات عسولة وجفا الليالي وزوجة رجل المهم اسولف والا على الساعة ثمانية واحس بالم يروح ويجي قلت لا مستحيل شكلي اتوهم المهم واروح الحمام ويجيني اسهال وانتم بكرامة واطالع الا افرازات وفيها دم صرت كذامن الخوف ويجيني مغص كل خمس دقايق وانا احسب له بالجوال وشوي صار كل ثلاث دقايق واروح اسحب شنطتي حقت المستشفى واحط النواقص واخذشنطة اليد واحط فيها بطايق التامين وادق على زوجي ويوم دقيت الا واسمع ذيك النغمة ان الهاتف المطلوب غير موجود بالخدمة مؤقتا خلاااااااااااااااااااااااااااص شفت الدنيا سودا منقطة بكحلي المهم يوم جات الساعة عشرة اخوي كان عندي بس ماعنده سيارة ومسكين قعدته من النوم ويطالع فيني وانا اقوله يا……… قوم ودني المستشفى قال وش فيه قلت بطني يعورني قال يالله البسي عبايتك وانا بروج اجيب ليموزين قلت طيب والبس وابكي من الخوف المهم وتنزل معي الشغالة وتوصلني لين الليموزين المهم ركبنا السيارة قال وين قلت الاطباء المتحدون قال يوووووووووه هذا بعيد فيه مستشفى حكومي هنا قلت لا ماابغى المهم وطول الطريق وانا استغفر واقول لااله الا الله وحده لاشريك له له الملك يحي ويميت وهو على كل شي قدير المهم بين بيتي والمستشفى يمكن تقريبا نص ساعة وانا خارجة من البيت على الساعة عشرة والطريق زحمة مرة يومها المهم يوم بقي على المستشفى ثلاث دقايق وانا خلاص اصيح من الالم واحس شي بيطلع مني وراعي الليموزين يمشي ويدق بواري كاني عروسة 😆 idea:وقفنا عند الطواري الا واشوف زوجي قدامي وانسى الالم اخوي طبعا واحنا بالسيارة دق على واحد من اصحابه راح له بعمله وقاله اهلك تعبانين المهم وادخل وتشوفني دكتورة الطواري تقول 8 سم ماشالله يالله فووق وينقلوني على سرير فوق وتدخل علي دكتورة ثانية انا ماعرفتها بالبداية بعدين سالها زوجي قالت انا حمدية وانا كذا 😆 🙂 لانه امنيتي انها تولدني بس مااقدر اطلبها لاني ماعندي ملف عندهم قالها زوجي من كثر ماتسمع عنك كان نفسه انك تولدينها قالت الاعمال بالنيات انا كنت اولد وحدة جنبها وقالولي ان فيه وحدة جاية طوارئ وجيتها على طول كل هذا والالم محتمل وانا كل ماجاني طلق تنفست صح واطلع الهوا برا المهم قاستلي حمدية قالت 9 ونص لاتدفعين لين يلبسونك قلت طيب المهم لبسوني وغطوا رجولي وقلت لزوجي خلاص اطلع قالت يالله اذا جاك الم ادفعي ويجيني الم وماتوفقت بالمرة الاولى وتجيني طلقة ثانية وادفع بكل قوتي وطلع احلى فهودي وبعدين قلت دكتورة انا خايفة من الخياطة ماباحس فيها قلت دلوقتي اعطيك ابرة تنومك وتريحك خالص وصحيت الساعة 11 وربع وانا مخلصة وزجي واخوي عندي الحين جا دور المستشفى بتكلم عن ملاحظاتي عليه الدكتورة تهبل وزي العسل والممرضات حلوين الا وحدة كانت بس تنافخ وانا ودي اصقعها باكبر شي بالغرفة المهم انا مخلصة ولادة من الساعة 11 وربع قلت ابي اطلع غرفتي قالوا لا الساعة وحدة جات الساعة وحدة وثنين وثلاث وانا طفشت وقرفت من عمري جيعانه بعد راح زجي قال جيعانه جاتني وحدة قالت اجيب لك ساندوتش وحليب قلت فيه احد يتغدى ساندوتش وحليب وين بعد بنفس الغرفة اللي ولدت فيها ماابغى وكل مايروح زوجي لهم قالوا مافيه غرفة فاضية المهم وادق من جوالي عليهم قلت انا لي اربع ساعات المهم قال الحين ارسلك وحدة من خدمة الغرف جاتني قالت درجة اولى مافيه فيه درجة ثانية غرفة مشتركة قلت لا ماابغى قلت فيه غرفة الليلة بالف وميتين تبغينها قلت طيب انا عندي تامين قالت تدفعين 400 قلت يالله بس انا اطلع ورحت الغرفة مهي مرة حلوة موعلى قد السعر بس الممرضات بس تدقين الجرس وهم عندك والاكل حلو بس قليل تقولون شاحدينه والباقي كل شي تمام وبعد جاتني الدكتورة حمدية بغرفتي وتطمنت علي وراحت وتجربة جدا ناجحة ولله الحمد واللي عندها استفسار انا في الخدمة وووووووووووووبس