عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعد ايامكم
انا كتبت موضوع امس بخصوص خطيبي
وهذا هو
http://satfrequencies.com/girls/alfrasha28/thread1266461/
وماقصرو خواتي الله يجزيهم بالخيرر
واشكر شكر خااااص اختي (( الملتقى الجنة& )) واقولها جعل ربي يعطيها جنه عرضها السموات والارض
اعطتني رابط للدكتوره ناعمه الهاشمي وفعلا استفدت منه ربي يجزيها الخيرر
المووهيم بعد ماقريت مقالات الدكتوره عرفت وش كثر كنت غبييييييييييييييييييييييييييييييييييييه بما تعنيه الكلمه عطيته كل الحب دفعه وحده لين اختنق مني
الموهيم شغلت جوالي واتصلت عليه وقمت اتعذر عن قفله الجوال وقلت كان خربان
قالي انا احبك لكن غيري من تعاملك عشان انا اتغير للافضل عاد جتني حاله الكمال اني ماقصرت بشي وقمت ادافع عن نفسي واقوله اني ماقصرت لهه بشي
تدرون وش قال قسم بالله قال كلمه اني بكيييييييييييييييييييييييييت منها وهو على الخط بس ماخليته يسمعني
كلمه حسستني بطعم الجحود والنكران تدرون وش قال لي
قال ( انتي جاااهله بامور الحب والزواج )
اوكي انتي تحبيني لكن افرضي رايك حسسيني بوجودك مو كل شي امر ولبيه انا مو مديرك انا زوجك قلت انت رجال ولك احترامك قال يلعن ابو الرجوله اللي تعرفينها انا رجال بين الرجال بس مع زوجتي انسى اني رجال
خليني اقول كلام الحب متى مابغيت وقت الرومنسيه متى مابغيت
انتي ماعطيتيني فرصه اقدم لك شي خنقتيني بحبك حسيت اني طفل مو زوج
ترا انتي اللي بتخربين على نفسك تراك انتي اللي بتخليني انسان قاسي معك ومع غيرك بعدين لاقلتي شي اصير ارفع صوتي واهينك لانك عودتيني على الطاعه غيري اسلوبك ابي احسك بكيانك
ابي اذا قلت شي مو مقتنعه فيه قولي ماقتنعت لاتجاملين عشاني ابيك تقولين يعجبني ومايعجبني
ابي احس بقيمتك مو معاي معاي علي علي
انا ليش اتعب في الدنيا ابي انسانه تفهمني مو تزيد علي واحنا تونا على البر
قمت انا حست السالفه اكثر واكثر بس يشهد الله على حسن نيه
قمت قلت انا اسفه حبيبي وانا ادري اني خنقتك بالحب ومن هالكلام بس تراه من حبي لك وعلى فكره تراني قريت مقالات للدكتوره ناعمه الهاشمي واستفدت اشياء حلووه كنت اجهلها
تدرون وش قال نفخ علي وقال ادري يابنت الناس انك تقولي هالكلام من حسن نيتك وان اللي على قلبك على لسانك بس مابيك تقولين لي هالكلام خليه بقلبك مو لازم كل شي اعرفه ابي اشوفه بتعاملك ويطيح وجهي
اااااااااااااااااااااااااه يالرجااااال ان طعناهم ماعجبهم وان وريناهم السنع قالو مسترجله ماتنفع
الموهيم تراضينا بس هو الظاهر يدور على المشاكل قلت له عذر ماقتنع فيه يوم قمت اقفل رمي كلمه قال وترى على فكره عذرك ماني مقتنع فيه قلت طيب لاتقتنع فيه قال ابفكر لين المغرب واشوف انا اقتنع والا لا قمت قلت طلعت مني بدون قصد عنك ماقتنعت قعد يضحككك قال ايه هذا اللي ابيه لاتجامليني
وبث
احوووبكم ❗
