بعد ماخلصت نفاس تعالوو اقولكم قصه ولادتي الميسره اللي اخذت اقل من ساعتين قولو ماشاء

يااااااااااااااااااااااااااااااارب يسهلكم وييسر عليكم الحمل والولاده ياكريم

انا ولله الحمد خلصت نفاس من اسبوع تقريبا وووه كانت فتره ممله جدا جدا جدا

والحين جيت اقولكم قصه ولادتي مثل ماوعدتكم ..

بس امانه بنات صلو على محمد وقولو ماشاء الله..

انا ولله الحمد كان وحمي خفيف ماكنت احب شي ولا كنت اشتهي شي بس كنت احس بلووعه بالصباح وكان بطني دائري وحركه النونو في البدايه يسار وبعدين صارت يمين الموووهم كان كل من شافني يقولي اللي ببطنك ولد مع ان السونار كان يقول بنت لدرجه اني شكيت بس توكلت على الله وقضيت ملااابس بنوتيه وانا ايدي على قلبي لايطلع ولد لاني تكلفت المووووهم دخلت بالسلامه الشهر التاسع وكاان بطني صغير يعني كل اللي يشوفوني مايصدقون يقولون شكلك بالسابع بس انتي غلطانه ومرت ايااام الشهر التاسع الطوووال وانا كل مالي احس بثقل ونفسيتي زيرو بديت امشي في حوش اهلي لان زوجي ماكان فاضي يوديني الممشى وانا يوميا امشي لمده ساعه او نصها وكنت طوول ماامشي استغفر وادعي انا الله يفتح لي فتحا قريب وان يسهل علي ولادتي وان لايحملني مالاطاقت لي به واكثر الدعاء بين الاذان والاقامه ووصلت الا نهايه الشهر التاسع ومره من المرات دخلت النت وقريت موضوع عن شي يجيب الطلق ويفتح الرحم اللي هي مويه احط جواتها زعفران واخليه ينقع بالثلاجه وكل شوي ارج القاروره واشرب فسويتها وحطيت مويه زمزم وكنت اقرا فيها قبل لاشرب وبعدها بيومين او ثلاثه رحت عند اهلي وكانو مو فيه راح يزرون اختي العروس كنت احس بثقل من تحت فظيع وكل شوي اروح دورت المياه تكرمون بس لارحت مافيه شي وكملت يومي عادي رحت جهزت اغراضي حقت المستشفى ولمارجعت امي وشافتني قالت ليش جهزتي تحسين بشي قلت لا بس بثقل من تحت الموهم تعشيت مع اهلي وانا مستبعده فكره اني اولد الليله ولما جت الساعه12بالليل جاء زوجي اخذني ورحت للبيت وانا سكنه بالدور الثالث ولما طلعت الدرج حسيت بالم خفيف بس طنشت وطلعت ولما وصلنا حطيت عبايتي وانسدحت وقعد زوجي يسولف وانا ماارد عليه ولما لف علي لاقاني ابكي قال وش فيك قلت احس بالم قعد يحاول فيني اروح المستشفى وانا اقول لا مو ولاده كنت اخاف من شيئين اذا رحت بدري الاول ان مستشفى الامن يحولون على المواساه اذا صار الرحم مفتوح اقل من خمسه والثاني كنت اخاف من الطلق الصناعي المهم صار الالم كل ماله يزيد وكنت كل شوي اروح دورت المياه احسب اني ابي الحمام وبعدها لما شاف زوجي حالتي لبسني العبايه غصب ومرينا على اهلي واخذت مرت اخوي ورحنا المستشفى على الساعه 2 وشافو الرحم قالو خلاص انتي قاضيه بسرعه على غرفه الولاده ومااذن الفجر الا وانا والاده كانت الساعه 4الا ربع تقريبا جبت بنوته قمرسميتها جود ربي يحفظها ويخليها لنا وبعدها ودوني غرفتي ومن فرحتي اني ولدت مانمت لليوم الثاني بس قعدت احمد ربي اني ولدت لاني كنت ماخذه هم الولاده كنت خايفه وبعدين طولت في حملي كان مابقى الا 3ايام واخلص التاسع … ووووبس

واقول لكل اللي على وشك ولاده الدعاء الدعاء واكثري من الاستغفار وكثري بعد الرطب ومويه مع زعفران والله يسهل عليكم 🙂