عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحباااا
هادا اول موضوع الي بالمنتدى ….. يعني طبخت وحبيت اورجيكم شو عملت …. انشالله ينال على اعجابكم 😆 idea:
نبدااااا
اول اشي رح نحتاج حبات بطاطا متوسطة الحجم بس انا بحب البطاطا الصغيره .. وطبعا الكميه والحجم حسب الرغبه
بنقشرهم وبنقورهم 
تحميل
وبعدين بنسلقهم 
تحميل
وبعدين بنحضر الحشوه ….
هلا بنجيب بصل وتوم مفرومين ناعمين وبنقليهم مع بعض لبين ما يدبلو وبعدين بنحط عليهم زعتر اخضر وفلفل اسود وبهارت وزنجبيل وملح وبعدين بنحط اللحمه المفرومه وبنقليهم مع بعض لبين ماتستوي اللحمه
تحميل
وبعدين بنحشي البطاطا بالحشوه ووبعدين بنقليهم قلي خفيف بس لبين ما يصير لونها دهبي 
تحميل
وهلا بنعمل الصوص الي هو عباره عن بصله مفرومه ناعمه بندبلها وبنحط عليها بندوره مبشوره ومعجون طمام وملح وبنخليهم على النار لبيت ما يغلو منيح وبنحطهم على صنية البطاطا وبنحطهم بالفرن بس لبين ما يتحمرو
طبعا لانو كل شي مستوي 
تحميل
وبس ……..
وصحه وهنا
