عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيك يا بنات انا كنت عاملاها على العشا امبارح وطلعت لذذة اوى قلت انزلهالكم
المقادير للبطاطس المحشية :
بطاطس حسب الرغبة
لحمة مفرومة معصجة
طماطم مقطعة قطع صغيرة
صنوبر
الطريقة :
سخنى مكعبات الطماطم على النار فى شوية زيت زيتون زقلبى فيها لحد ما تسيح او اعصريها فى الخلاط وحطى نص الكمية على اللحمة المفرومة وهى بتتعصج
بعد ما تستوى اللحمة حمرى الصنوبر وحطى عليها
البطاطس لو كبيرة هتقطعيها نصين وتفرغيها من جوة ولو صغيرة فرغيها من جوة من غير ما تقسيمها
وبعدين حمريها او لفيها بفويل واشويها فى الفرن وبعد ما تبرد نحشيها باللحمة
بعد كدة قطعى شرايح بطاطس ورصيها فى صينية وحطى عليها البطاطس المحشية وحطى عليهم باقى عصير الطمام ودخليها الفرن نص ساعة تقريبا لحد ما الطماطم تنشف
ودة شكلها قبل ما ادخلها الفرن 
وبعدين طلعيها وبالهنا والشفا ودة شكلها بعد ما طلعت
مقادير للفطائر:
2 كوب دقيق
2 معلقة خميرة فورية
نصف كوب زبادى
معلقة صغيرة ملح وزيها سكر
ماء دافى للعجن
الطريقة :
اخلط المقادير كلها مع بعضها واضيف الماء الدافىء بالتدريج وانا باعجن لحد ما تتماسك العجينة معايا واسيب العجينة تتخمر
بعد كدة افردها فى الصينية وادهنها صلصة واحط عليها باقى اللحمة المفرومة المتعصجة مع الطمام والصنوبر
وادخلها الفرن لحد ما تستوى ودة شكلها بعد ما طلع وقطعتهااا 
