عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخوي تمت ترقيته بالعمل
وودي اسوي عزومه كبيره ولا ابي واحد من اخواني يحظرها لا هو ولا زوجته لانهم حقيريييين ولا يستاهلون وودي اكويهم مثل ماكووني
راح اقول لكم الاسباب وابي رايكم
زوجته من يوم دخلت علينا وحنا بمشاكل معنا تدور الزله علينا واخوي الخروف يصدق اي كلمه منها
لدرجة اخوي يمد يدينه علينا …مد يده على اخته اللي قامت فيه يوم هو في الغربه 4 سنوات قايمه فيه وضاغطه على نفسها وتجامل على شانه واخرتها يمد يده عليها
لو اقول لكم السبب راح تندهشون
لما جبت ولدي ماكلمني ولا تحمدت لي بالسلامه وجيت انا رديت الحركه لها وجا اخوي منجن ويسب ويشتم ليييش ما كلمتها يوم قلت له هي اللي ماكلمتني مد يده علي
تصدقون انه دايم يكرر كلام علي انا وخواتي يقول عنا حسودات وحقودات وحنا والله الذي لا إله إلا هو ماعمرنا مسيناها بشي ولا عمرنا تدخلنا فيها
وحريم اخواني الثانين وحده معنا لها 10 سنوات والثانيه 5 سنوات ماشفنا منهم الا كل خير وبيض الله وجيههن بس هذي مدري وش تبي
لدرجة ان امي تكلم عليها وتعتبرها مثل بناتها وتقول لها لي ولدي اليوم جاي معصب فيه احد مضايقه بالعمل لأنه يابنات جلس يهاوش ويسب مثل المجانين وامي خافت راحت دقت عليها وقالت لها امي لا يدري ولدي اني كلمتك
هي وش سوت يابنات ….راحت قالت لأخوي امك تدخل بحياتنا الحين ام تسأل عن ولدها هذا تدخل تحسب ان اخوي يوم تزوجها خلااااص صار لها بلحالها
لما تجي عندنا يابنات لاااازم اخوي من بكرا يجي زي المجنون ويهاوش انتم ماجلستوا معهاانتم ماضحكتوا معها قسم بالله جابت لنا المرض الله يشغلها بنفسها
لحد اخر شي تهاوشت انا واخوي واختي بسبتها وقام ومد يدينه علينا وقام يقول لنا كلام غريب
صار يقول لاختي يامسكينه يام البنات المفروض زوجك يتزوج عليك ووالله لاقول لزوجك كل ماضيك …واختي محترمه بس بيخرب بيتها باي طريقه عشان زوجته ترضى
ومن عقب هالهوشه اخوي مانكلمه ولا يكلمنا من 5 شهور سببت قطيعه بيننا الله يجعل كيده بنحره
واخوي كرهنااااااه ولا عاد اخونا وتصدقون حاط روحه هو المغلوط عليه عند اخواني غاسله مخه غسل
تصدقون يابنات صار مايجلس معنا حتى لو كل اخواني مجتمعين يجي ويجلس بالملحق كله عشان خاطره وهي الغلطانه ..حتى اخواني يقوون وش معنى زوجتك هي اللي مايبونه خواتي ….حريمنا مااشتكوا من خواتي وش ممعنى زوجتك انت دور الخلل ولاتدخل نفسك بسوالف الحريم اذا هي قالت شي بخواتك قلها دقي عليهن وقولي لهن وهو مثل الجداااار مايفهم
وقررت اني اقهره واهينه هو وزوجته واسوي العزومه واعزم العالم كله وهو لاااا عشان اهينه مثل مااهاننا ابي ابرد النار اللي بقلبي
هل انا على حق ولا لا
لان احد قال لي لاتهينينه وانا الى متى اجامل واضغط على اعصابي وهو لا حاس فينا ومعتبرنا عدوات انا قررت اوريه الوجه الاخر قررت اوريه الحقد على اصوله
