عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اولا البسكويت دة من ايد مريم ومحمد
مريم بتاكل البسكويت بحب شديد جداااااا قلت لازم اعملها بسكويت فى البيت بيكون نظيف ومضمون عن الى براااااا والحمد لله طلع تحفه وريحه السمن البلدى قلبت العمارة وطبعا قبل ميشمو ريحته سمعو صويتى من محمد ومريم محمد بياكل العجين وعايز يعمل اى حاجه ويساعد زى منتم فاهمين مريم بقى عايزة تدور الماكينه وهى بدورهالى عكس الاتجاة يعنى بطلع العجين من فوق تانى بس الحمد لله الموضوع نجح بعد معاناة هههههههههههههههههه
المكونات
كيلو دقيق
باكو بيكنج بودرررر
باكو فانيليا
ذرة ملح
5 بيضات
كبايه ونصف سمن بلدى
نصف كبايه زيت
معلقه ونصف نشادر كبيرة
كبيتين سكر بودرة
كبايه لبن دافئ
الطريقه
اولاد نضع السمن على السكر البودرة وهى بدرجه حرارة الغرفه طريه لا سايحه ولا ناشفه
داخل العجان
ونضرب بالعجان او بالايد كويس جدا جدااا حتى نحصل على قوام مثل الكريمه
بعد ذالك نضع البيض وعليه الفانيليا ونضربهم كويس جداااااااااا
بعد ذالك نضع النشادر فى كبايه اللبن هنلاقيها تفور نضعها على الخليط بسرعه ونقلب كويس
بعد كدة نحط الدقيق شويه بشويه مع البيكنج بودر ونقلب بايدنا كويس جدااااااااااااا
نعجن حتى نحصل على عجينه ناعمه طريه سهله التشكيل
بعد كدة نحضر الماكينه الخاصه بالبسكويت ونضع فيها العجين
ونشكل البسكويت حسب الشكل الى عايزينو نجمه او مشرشر او بماكينه البيتوفور
نضعه فى الفرن ونلاحظه كويس لانه سهل السوااااااااا حتى نحصل على اللون الواردى ويكون متحمر من تحت ووردى من فوق
دة شكل الكميه كلها وهى فى الطبق ما شاء الله طلع هش وخفيف ومارمش وسكرو مظبوط
ودة شكله النهائى جمب فنجان شاى وبالف هنا
وبعد الاكل الاطفال هيوقعو الفتافيت على الارض فلازم نعمل
بالهنا والشفا
