بسكوت الزبدة (توتة كوكيز)

من زماااان ما نزلت مواضيع في المنتدى الجميل 😎
وجبت لكم بوصفة كوكيز او بسكويت بالزبدة اسويها من فترة لفترة لبنتي توتة العسولة
ودي المقادير:

اصباعين زبدة لينة يعني 200 غ
1 ك سكر ناعم
1 م ص فانليا
2 بيض
2 ك دقيق
علبة نشا صغيرة او 1 كوب نشا
1 م ص بايكنغ باودرة
½ م ص بايكنغ صودا وممكن الاستغناء عنه

الطريقة:

في الخلاط يوضع السكر والزبدة والفانيليا الى ما تصير بيضا زي الكريمة

بعدين يوضع البيض

بعدين النشا والدقيق ويعجن باليد

تقدري تضيفي بودرة كاكاو بس تنقصي من الدقيق (يعني بتضيفي ملعقة كاكاوتنقصي نفس الكمية يعني ملعقة دقيق)

وبعدين تنحط في جهاز البسكوت

وترص في الصينية

وكلها 7 الى 10 دقايق حتى تحمر ونسيبها تبرد وتقدم اوتحطيها في علب مقفلة عشان ما تجلد وتجلس هشة

وبالهنا والعافية