بركولي ربي يسرلي وجبت أحلى قمر

السلام عليكم ياحلوات كيفكم مع الحمل
الحمدلله ولدت وشفت اللي أنتظرته سنين يوم الأحد الموافق 1681429
وماشألله ولدت قبل موعدي وارتحت وعقبال الكل إنشاألله(وهذي قصتي):
أنا كان موعد ولادتي 188 يوم الثلاثاء المهم كالعاده الكل قلي لازم تتأخري عن موعدك لانك بكريه يعني راح تتطولي الله يعينك عاد انا على مهلي قضيت وكان باقي لي الشنطة أجهزها وكل شي كان جاهز المهم ياحلوات أنا كان عيد زواجي يوم 158 وجهزت كل شي عشان أحتفل بعيد زواجي الرابع وكنت مصرة أني أتصور لانه طول فترة حملي ماأتصورت وأبى أتصورللذكرى المهم أتصورت كأني حاسه وخلصنا الحفلة ورجعنا كل شي مكانه على غير العاده وبعدها جيت نمت الساعة 5 ولاعلى بالي وفجأة على الساعة 7 حسيت شي حار نزل مني ومغص خفيف وجري عالحمام الله يعزكم وماأشوف إلا مويه شفافه وفيها خيوط دم وقلت هاذا يمكن ألم عادي أكيد بيروح وشوي شوي بدأ يزيد وعرفت إنها الولادة وكل مايروح الالم أسوي شغله في البيت غسلت الحمام الله يكرمكم عشان لو رحت أولد كل شي يكون جاهز وفجأة خلاص ماقدرت أسوي شي وماني قادره أوقف والألم بدء يزيد وقلت لازم أصبر زي ماقالولي لاتروحي المستشفى بسرعة أصبري وجيت أصحي زوجي وأقله عندي مغص قلي أوديكي المستشفى قلت له لأ مودحين ورجع كمل نوم ولاعلى باله وأنا خلاص الدموع صارت أربع أربع مع الألم وصرت أمشي وأقول يارب وما صارت الساعة 9 رحت صحيت زوجي وبرضوا مارضيت أروح وهو يقولي يلا عالمستشفى وانا أقول له روح شغلك لو زاد الالم أتصل عليك وهو خرج من هنا وانا رجعت أخذ لي ملابس وللنونوتخيلوا فين حطيتها في كيس هذي أخرتها وملابس النونو كل شي لون مع الالم ماأدري اش حطيت ودقيت عليه وهو دوبه وصل العمل ويرجع بسرعه وطيران عالمستشفى وهو يضحك ألأخ فرحان المهم لما دخلت المستشفى كشفت علي الدكتورة وقالت ماشألله مفتوح 5 سانتي وجابو جهاز النبض وحطوه عليا وكانت الدكتورة كل شوي تجي تقيس الرحم والين الساعة 10 خلاص ماني قادرة أستحمل وناديت عالممرضة وقلتلها أحسه يبى يخرج قالتلي يلا عالكشك خلاص هذي ولادة المهم دخلوني وخلاص أحس أني مني قادرة أولد مني مستوعبة الوضع المهم بعد ساعة من المحاوله ولله الحمد ولدت الساعه 11ولما سمعت صوت البيبي أبتسمت وأنا في عز الالم وقلت للمرضه أبى أشوفه قالت لي نحممه أول وخيطولي وبعد ساعة فوقوني ودوني غرفة الاستراحة الساعه12 وجابولي نعناع وبعدين نزلوني الغرفة والساعة 2جابولي عمري عشان أشوفه وماتتصورو فرحتي كانت قد أيه يارب يرزق كل محرومة وزوجي طاير من الفرحة ربي يحفظ لي ولدي عناد ويحميه
وهاذي قصتي المملة معليش طولت عليكم
ويارب يرزق كل محرومه وتعيش أحلى لحظه في الدنيا وييسر على كل حامل ولادتها أمين يارب
وكثروا من المشي وأكل التمر