عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة اللهـ وبركاتهـ
بنااات واللهـ عجزت الاقي حل للمشكله اللي انا فيها…. بإختصااااااار … بنت عمي ومثل صديقتي عمرها 29 سنهـ والا الآن ماتزوجت يخطبوها ناس من برى الجماعهـ وامها رافضهـ وهي يتيمهـ الاب لانها لو تزوجت من برى بتبعد عن اهلها وهي صراحهـ انا نفسي مااستغنى اروح بيتهم وهي مو موجودهـ وهي مدبرهـ البيت واخوانها واللي اصغر منها تزوجن…حالتها كسيفهـ واللهـ يعني بتوصل الثلاثين ولسى ماتزوجت وهي تقول يمهـ زوجيني اي واحد وافتكي وخالتي رافضهـ…..بتقولون وين المشكله…؟؟
آه يابنات لو اقولكن اني زوجي طلب مني اليوم اني اخطبها له……!! واللهـ انا عارفهـ زوجي واللهـ يبي يتزوج لاجل يستر عليها ويفك خالتي من حالتها لانها خايفهـ على بنتها لاهي راضيهـ تزوجها لواحد بعيد ويبعد عنها بنتها ولا فيهـ احد قريب تقدم لها….!
زوجي كلم خالتي وخالتي صراحهـ رفضت وجلست تبكي وتقول ام عيالك وحدهـ من بناتي كيف تبيني انزل بنتي عليها… هو اقنعها وهي قالت ماااوافق الا اذا ام عيالك وافقت وقالتها لي وهي اللي تشاااور بنتي…! عشان اتأكد لاني ماابي ابني سعادة بنتي على تعاست بيتك…!!
انا يابناات في حيره والم وقلق وقلت لزوجي انا اكلمها واشوووف… انا مستغربهـ من نفسي هالشجاعهـ صراحه ودي اصرخ واقوله لا لا لا … بس اشووفه واقف لها وقفة خير ولوجه اللهـ واناعارفه بنت عمي ماراح توافق…. واخاف انصدم وتوافق… يعني نفسي توافق عشااان تتوفق وتفك حالها وتسعد اهلها ونفسي ماتوافق لانها بتأخذ اغلى شئ عندي (( زوجــــــــي )) واخاف اذا تزوجت علاقتنا في بعض تضعف او يصير شئ… ماابي اخسرها ولا ابي افرط في زوجي
بنات اتمنى انكن فهمتني …. تكفوووووووووون دلوني وش اسووووي تعبت واللهـ تعبت
ارضي زوجي واوافق لاجل فعل الخير…. والا ارفض وتضعف العلاقهـ بيننا ….؟ وهل لي الحق بالرفض…
والمطلوب مني الحين انا اروح اكلم البنت … وابين لها موافقتي……… آه اصعب موقف بنحط فيهـ..
