بدت بها (بـَـنده) وصفق لها العارْ ..

ياهل الرياض اكتب لكم بعض الاشعار
ومن ضيقتي صارت ضلوعي وقيدة
فتنـــــــه وراها كل خايــــن وغــدار
باســـم التطــــــور حولو ماتـــــريده
بدت بها (بــــــنده) وصفق لها العار
وقامت تنقص بالكــــــــــلام وتزيده
تقول انــــه همها بنــــــت الابرار
الي ورثت خير الصفات الحميده
تبي تبعدها عن ســـــــكة العار
وتزيدها أموال تجنــــي رصيده
(كاشير) خلوها ولو صار ماصار
لاتسمعون أهل العقول الشديده
وش عاد قالو لاغدى| بينها جدار
وبجنبها حارس ونفسٍ رشيده!!
وإن هي بغتْ صرفٍ تنادي من جوار
فكو عناها وافعلو ماتريده …
ياللي لكم هيبه وقيمه ومقدار
ادعوا معي يالله تاقى عبيده
من نار هالفتنه ومن نار الأشرار
ومن شر حاسد يالله انك تبيده
لاقالوا انهم ودهم دعم الاحرار
محنا خبول نعرف أصل المكيده