عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا بدأت باستخدام اعشاب طبيعية من الحواج
طبعاً مايقول الحواج شنو محتواها بس هما 3 ادوية
واحد على شكل كرات صغيرة بنية يقول تصلح لانسداد الأنابيب آخذ حبتين منها قبل النوم وهو قال لي انها بتسبب اسهال يوم واحد وفعلاً سبب لي اسهال وبعدها تعود جسمي عليها بس بعد كنت اقعد من النوم ومعدتي تعورني بالاضافة الى انه يسبب غازات
الدواء الثاني يقول يصلح للتكيس وهو عبارة عن بودرة لونها بيج مثل لون الزنجبيل المطحون بس قال لي راعي الحواج هذا مو زنجبيل آخذ منه ملعقة شاي مرتين باليوم ووراه حليب طبعاً ولكم أن تتخيلوا المعاناه عندما آكله وامضغه أحس بلوعة والعن اليوم اللي استخدمت فيه هالأدوية
( صج دواء المستشفى افضل من هالناحية) 😎
اما الدواء الثالث يصلح للتكيس ايضاً وهو عبارة عن معجون اسود يقول راعي الحواج بأن في هالخليط نسبة من الخردل
آخذ منه ملعقة شاي مرتين باليوم وبعده كاس ماي ونفس الشي مااعانيه من لوعة واحس ان معدتي تفووووح من هالادوية
من يعرف شنو هالادوية؟ وشنو محتواها؟ وشنو مضارها؟ وكيف اتغلب على المعاناة اللي اعانيها من لوعة الكبد من تناول هالأدوية؟؟
اللي بتقرأ موضوعي ومابترد تدعي لي على الأقل بدعوة حلوة
