بحجابي دمروني

كنت محجبة يعني البس الخمار الطويل طبعا ما سلمت لا من نقد ولا من تجريح خصوصا انه نحن بمجتمع لا يرحم

بعدة مدة وانا امشي لفت نظري فتاة ترتدي لباس استر من لباسي اعجبت بها لدرجة بت احلم بها

تمنيت اكون مثلها

وبعد ايام من علي الله بنعمة اني اطبقه وبالفعل اشتريت البباس الساتر الطويل ولدرجة عمري ما فرحت ولا ابتسمت زي ذاك اليوم الي كان الحجاب عندي

طبعا التدمير الاول جائني من اقرب الناس الي هي امي

وليش وانتي صغيرة واللحين الناس يتكلمون ويقولون البنية تبي تتزوج يعني ما خلت كلام ما قالته لدرجة توصلت انها تخبر بنت خالتي لحتى تغير وجهة نظري

مع اني لسه بمرحلتي الدراسية ومتفوقة بفضل الله

ولا اخفي عليكم تعلقي بلباسي لكن احس نفسي ضعيفة ومع اول تجريح خلاص راح انهيه

خصوصا نقطة ضعفي انه ابدو فيه كبيرة بنت 20 او اكثر

وللحين مافي ربع كلمة طيب خاطري او حتى تخليني اتمسك لين تنقطع يديواتي

احسن نفسي غريبة بالشارع وخصوصا بالمدرسة وهذا لاني الوحيدة الي لابسه حجاب يستر

نظرات الناس تدمرني وكلامهم رمح يصيب قلبي بالف جرح

والمشكلة الكبيرة الشباب الله يذهبهم من وجهي المعاكسات والتجريحات و ال ……………………

حرام والله عليهم

اذا ساترة ما خلوها مانا ساترة ما تركوها والله احس انهم بلا عقل

انا مدمرة تدمييييييييييييييييييييييير وغريبة والنظرات تذبحني

والاعراس و بلاويها خصوصا انها اعراس اقارب وان ما كانت ما حطيت رجلي بذيك الدار

وشفيها هاذي ليش يا فلانة لابسة كذا روحي فرفشي وحطيلك ميك اب يلا روحي البسيلك شي يبينك بنت مو عجووووووووووووووووووووز روحي افرحي بشبابك ترى الدنيا فانية وما استمتعتي

ولما اشوف بنات عمري شلون الشعر يطاير والجينز الي يضيق صحيح انهم يبان عليهم بنات 16 واقل

بس اتركوني بحالي عيشوا وش ودكم وخلوني بحالي

سالفة الزواج الي اخترعوها ولصقوها بلباسي انا ماودي اتزوج اللحين يا ناس ودي ادرس واكمل دراستي بحجااااابي واصير عظيمة بعلمي

حسبي الله عليهم