عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكن ورحمة الله وبركاته
كيفن يافراشات إن شاء الله بخير
أنا سجلت لاني شفتكن متعاونات مع بعض الله يخليكن ويحفظن ويسعدكن
دنيا وأخرة ..
أنا يابنات محتارة في أمري وبقولكن ليه وأتمنى إنكن تفهمني وتساعدني ولا تجرحن
بالكلام الله يخليكن
وموضوعي هو إن جارتنا خطبتني لاخوها وقالت لي إن أخوه يبيني ومتعلق فيني واجد
وإنه كل يوم يقولها إنها تكلمني وتخطبني الظاهر يا بنات إنه شافني مرة مع إني بنت عادية
ومتوسطة الجمال وماني قبيلية والولد ماعليه كلام محترم وأخلاق وماشاء الله عليه وهو سعودي
بس لمشكلة إنه ماهو سعودي أصل يعني ………….. ( مثل مايقولون بقايا حجاج )
أتمنى إنكن فهمتن قصدي وأهله وأجداده انولدوا هنا وعاشوا هنا وحالتهم المادية ميسورة
وكل حياتهم هنا
وأنا مقتنعة بشخصيته وأميل له واستخرت كثيييير بس مترددة
ولمن أتذكر هالشي
أتضايق وأتردد وأخاف كيف بتكون نظرة الناس لي
وحتى أهلي ماادري إذا بيوافقون أو لا وحلمت أكثر من حلم وفسرته عند شيخ وتقريبا تبشر
بخير يابنات أبي أعرف وش رآيكن إذا خطبك شخص مثل اللي خطبني وشاريك بتوآفقن
ولا لا ؟ خاصة اللي حالتها مثل حالتي بالبيت ولا تعمل ولا تدرس ولا شي وحالة مادية متوسطة ولا في خطاب
أبداً واللي تعرف بنت تزوجت شخص مثله كيف عايشة حياتها وكيف طلعوا عيالها ؟ وكيف نظرة
الناس لها ؟ يستحقرنها ويتريقن عليها ولا لا ؟
أرجوكن يابنات جاوبني وريحني الله يسعدكن ويريحكن ويرزق كل بنت بزوج صالح ويرزق كل متأخرة
بالحمل بالذرية الصالحة
