بتحبي الهوهوز و التوينكيز ,,, طريقة سهله جدا للسويسرول و مجربه

الطريقة دي انا جربتها بنفسي كتير وكل مرة فعلا بتطلع روووووعة واجمل ما فيها انها سهله جدا ومبتخدشي اكتر من 5 دقايق في الفرن بالكتير و بتنفع في كل المناسبات أو مع الشاي

المقادير:
4 بيضات
34 كوب كبير سكر
12 كوب كبير دقيق
1 ملعقة صغيرة فانيليا
1 ملعقة بيكنج باودر

1- نفصل ابيض البيض عن اصفر البيض ونحط دة في طبق عميق و دة في طبق عميق لوحدة
2- نقلب اصفر البيض مع السكر والفنيليا جيدا
3 -نضرب ابيض البيض لوحدة كتيير لحد ما يبقى زي الكريمة بس لازم يضرب كويس والا مش حتنجح الطريقة
4-نخلط ابيض البيض و الدقيق و البيكنج باودر و الخليط الاول اللي هوا اصفر البيض والسكر و و نقلب كويس جدااا

5- نجيب صينية زي بتاعة البتي فور والكحك يعني تكون حوافها مش عميقة بالكتير ا سم و ندهنا زبدة ودقيق عشان الخليط ميلزقشي فيها وممكن تحطوا ورقه زبدة في القاع و نصب الخليط بحيث يكون سمكة لا يزيد عن نص سم و نضعه في الفرن

6- متروحيش في اي حته بالضبط اقل من 5 دقايق و حتلاقيها استوت

7- نسيبها تبرد ونطلعها براااحة من الصينيه بس خدو بالكم عشان متتقطعشي منكم لازم عشان تنجح تكون مرنةو لونها ذهبي

8- قطعيها للحجم اللي تحبيه و حطي الحشو اللي انتي عايزاه , زي الصورة ( على فكرة مش صورتي انا جايباها من النت للتوضيح بس :D)