بالنسبه لموضوع الاخت الهتوون

السلام عليكم اخواتي
بدخل بالموضوع على طول
انا لست من الرياض كنت ابسأل عن افضل مستشفى خاص
بالرياض ووجدت موضوع للاخت الهتون عن
مركز سليمان الطبي والبنات يمدحونه ويمدحون الدكتوره
السودانيه سنيه الطيب على مافهمت
ابسالكم انا حامل ببداية الشهر السادس والدكاتره بمدينتي قالوا لي ان الطفل عنده قصر شديد بااطرافه
مثل الارجل وتو اكتشفوا قصر باايدي الطفل ايضا واطلب من رب
العالمين ان كلامهم مجرد كلام وليس حقيقه ان شاء الله
بس التفكير ذبحني غصب عني وفكرت
اروح للرياض اتطمن على جنيني وبما اني سمعت عن سليمان الحبيب وكثرة الاخوات اللي يراجعن فيه فكرت اكشف عندهم
عشان اتطمن وبسألكن هذه الاسئله وتحملني شوي ارجووووكن
1/ الدكتوره سنيه هل تعرف بالتشوهات عندها خبره بذلك طبعا من تجاربكن ؟؟؟
2/ واقدر احجز بنفس اليوم على حسب فهمي تحجزن قبل اسبوعين من ردود بعض اخواتي ؟؟؟
3/ وكم سعر الدخول عليها ؟؟؟
4/ واين يقع مركز سليمان الطبي اريد اعرف
باي حي وشارع وهل هو شمال الرياض او شرق وين بالضبط ؟؟؟
5/ وهل عندهم تحليل كروموسومات او الجينات يعني العوامل الوراثيه التي تسبب تشوهات الجنين يعني المستشفى نفسه كبير وعنده التحاليل اللي تكشف سر تشوهات الجنين فهمتوا علي ؟؟؟
بالله تحملوني على كثرة اسئلتي
بس مضطره وضايقه فيني الدنيا
تكفن اخواتي اللي تعرف تجاوب لو على بعض اسئلتي
عشان الوقت لان زوجي بعد يومين مسافر الرياض واذا حصلت
منكن اجوبه راح اروح معاه فكرت كذا لان صعبه اروح وانا
ماادري ادخل على اي مستشفى مااعرفه واتخسر روحه وتعب وفلوس عاالفاضي او دكتوره ماعندها خبره
وجعله الله في موازين حسناتكن ورزقكن الله الاطفال السليمين المعافين ان شاء الله
وجزاكن الله الف خير
وانتظر ردودكن على احر من الجمر