عالم البنات النسائي كل ما يخص المرأة العربية من ازياء وجمال والحياة الزوجية والمطبخ
.
.
.
.
.
.
^
^
^
^
^
اهلين ياعسلات (:
كيفكم وش اخباركم وش مسوين مع رمضان (: >> ياكثرك إخلصي
العجينه لذيييييذه ومضمونه مجربتها انا بنفسي 😡
حتى مافيه عجينه ماجربناها ولا وحده ضبطت زيها !
والله يوم سويتها الكل إنهبل عليها وش هالعجينه 😆 🙂
حتى زيييي القطن !! (:
و تنفع لكل الإستعمالات .. بيتزا + خلية نحل + أقماع + سيبنون .. إلخ .. يعني تنفع مالح وحلو!! 🙂
وهذي مقاديرها :
1- بيالة زيت
1- فنجان سكر
½- ملعقه صغيره ملح
3- فناجين حليب
1½- ملعقه كبيره خميره
1- ملعقه صغيره باكينج باودر
2½- بيالة مويه
هذي كلها تحطينها بالخلاط ( الكاس ) وتخلطينهم لمدة خمس دقايق بالضبط ^^”
وبعدين تصبينهم في الزبديه ( عشان نبدأ العجن )
ونحط عليه بالتدريج كاس ونص طحين ( دقيق )
لما تثقل تبدين العجن باليد لين تحسين إنها إنخلطت زين و تماسكت معاك ..
نجي عند السر في العجينه !!
تظربينها ظرب هع .. يعني تاخذينها وترفعينها وتنزلينها ع الزبيديه بقوووه ..
يمكن لمدة خمس دقايق وانتِ تضربينها بالزبديه
بس إنتبهي ع طاولتكم لا تتكسر خخخخخ
وبعدين غطيها وخليها ترتاح ( عشان تتخمر ) إذا مستعجله عشر دقايق .. ولا نص او تبينها ساعه تنتفخ اكثر 💡
وهذي العجينه بعد ماخمرتها نص ساعه ..
ملاحظه:
تقدرين تزودين من الطحين وانتِ تعجنين على حسب الي بتسوينه بس لاتزيدين كثير بس ربع كاس ..
احياناً العجينه تحتاج تكون لينه مره مثل السينبون لازم تكون لينه فتحطين كاس ونص ,,
اما البيتزا او خلية النحل .. إلخ هذي تحطين فيها كاسين إلا ربع ..
وبس .. ➡
وشوفي إذا دخلتيها الفرن تنتفخ وتطلع لك زي القطن (: وطعمها ولا احلى 😛
