بالرغم من زواجي وزواجه مايتركني بحالي

قصتي تبدا قبل خمس سنوات كنت ذاهبه بدوره تعليم مهني وكان استاذ الدوره (الي هو زوجي الحين) كان يدرسني ومايتجرا يرفع عيني عليه وصدفه في يوم من الايام جاء ابن خاله الاستاذ ومن اول نظره انعجب فيني وقال الى استاذ الدوره ما شاء الله هنيالك عندك بنت جميله تباوع بوجها كل يوم بالدوره ومن وقتها والاستاذ عجبته الفكره وتقرب الي شوي شوي وصارت علاقه حب انتهت بعدها الزواج بعد حوالي 3 سنوات لاني كنت وقتها طالبه انهيت الدراسه وتزوجت والناس تكول عني اني جميله وحلوه بس انا اشوف نفسي عاديه او حلوه بس مو خارقه الجمال

لما صارت الخطوبه اجا ابن خالته مع اهله ومانزل عينه عني ولا لحظه وكان يتحين الفرص والحجج لزيارتنا

وبزواجنا ماتركنا الزفه بسيارته واجا معانا للفندق ورجعنا للبيت ولمااطلب منه شي يعتبره مثل الامر يسارع بتنفيذه

ولمايسع فيني مريضه يجيب امه على طول ويجي يشوفني

حتى بعد الزوا ج يحاول والخروج معانا ويعرض خدماته بتوصيلنا والسفر معانا وعينه ماتنزل مني لحظه ولما يصير العيد يجيني كرت غزلي من الصبح من عنده وكنت دايما اقول بيني وبين نفسي يالله يجوز انا متوهمه وانا مثل اخته وماكو شي وحاولو اهله يخطبون له عروس وكان يتحجج باي حجج علشا يفلت من العرس وبقو اهله يلحون عليه الى ان خطبوا له بنت ولما سمعت انا بالخطوبه انقهرت ما اعرف ليش مع العلم انا مارايده منه شي وبحب زوجي وماعوفه لو بكنوز الدنيا بس مااعرف شنو الي جرى لي

وطلب مني اخرج مع العروس واشتري لها اغراض العرس والذهب على ذوقي بس انا رفضت

ومشت الايام وبيوم زواجه اصر وطلب من اهله ان اكون معاه بسياره العرس انا وزوجي ولما فلت لام الولد (امه)روحي انت مع العريس مايصير انا اروح قالت لي((((( ابني يحبك)))))))))) ومايفبل الاانت تروحي بصراحه انا تفاجئت بهذا الكلاك وانصعقت وبنفس اليوم شفت العروس وتكلمت معاها وصادقتها وكالت لي نفس الشي ((((زوجي يحبك))))))))) ومايبطل كلام عنك بقيت مصدومه وجاوبته محاوله اخبئ الوضع قلت لها لانه يحب اقاربه وانا زوجه اقاربه قالت ((((لا هو يحبك انت انت)))))) سكتت حايره وش اجاوب واسال نفسي وش تفصد البنت

وبالليل قبل مانطلع من العرس باركت له زواجه وقلت له زوجتك حلو ه واميره وبنت عز دير بالك عليها

وصباح العرس اتصل بزوجي علشان يجي ياخذه من الفندق اعتقد كان يتوقع اني اروح مع زوجي لانه اهله كثيرين وكان ممكن اي احد يجي ياخذه لان زوجي كان عنده دوام واضطر ياخذ اجازه ويروح و

لما وصله زوجي للبيت ساله بالطريق عني اذا كنت موجوده بالبيت بانتظاره لو لا؟؟ اجابه زوجي لا طبعا زوجي سولفلي وهو ماشاك باي شي

وبنفس اليوم العصر ترك العروس وراح لزوجي وكاله انا مامرتاح بهذي الزواجه ابدا وطلب من زوجي نروح عندهم زياره بس انا رفضت

وتذكرت مره قصه قدبمه شفت عند اقاربنا بالصدفه رجل عراف يعالج اقربنا بالايات الكريمه والقران لما شاف في عيني تلا ايات كريمه وبعدها كال ….كال ….انت جميله وراح تتعرضين بالمستقبل يابنتي الى حسد وغيره وراح يجي بحياتك شخص يتمناك كثير كثير كثير بكل لحظه وراح يدمر حياتك ويتعبك كثير

اريد ياخواتي ارائكم اقتراحاتكم هل هذا
اعجاب؟؟ حب؟؟؟؟؟؟ ام خيال؟؟؟
هل هو يحب ووقع في الحب ولايستطيع الخروج منه؟؟ ام هو انسان عديم الاخلاق وعينه على حاجه غيره؟؟
هل هو هذا الشخص الذي يقصده العراف؟؟؟ مع العلم انا وقتها مااهتميت لكلامه