عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيف الحال ياعساكم بخير ؟؟؟
اخواتي الفراشات ببدأ بالموضوع على طول….
أعرف بنات كثير من اقاربي وصديقات ووووووو
ماتزوجوا
فيه بنات ومطلقات وموظفات
وأنا ودي ازوجهم وربي انهم أخلاق ودين وجمال
بس مااعرف كيف ازوجهم ومابيهم يعرفون اني ورا السالفه
فكرت اكلم خطابه بس تعرفون لازم تاخذ فلوس ودي بوحده تزوجهم لوجه الله
بس مافيه
احنا قبيلتنا مايعرفون كيف يزوجون بناتهم يعني مايحطون اسماهم عند خطبات ولا شي
يقولون نصيبهم ماجاء ويقعدون مكتفين يدينهم من جد يقهرون اذا بنتك ابطت ماعرست استعيني بخطابه من بعد الله
والله والله والله اني شايله همهن ابيهم يعرسون مدري وش فيني فيه ناس مثلي يفكرون بغيرهم
بعضهم صغار بالعشرين وبعضهم وصلوا للثلاثين وتوهم ماعرسوا
اني دايم افكر فيهم وودي ازوجهم …
لانهم مشاء الله اخلاق ودين وستيرات ويحبون الستر وهذا الشي اللي خلاني افكر ازوجهم
قولوا وش الحل ؟؟؟
وقولوا في وحده مثلي تفكر في بنات جماعتها وصديقاتها اذا ماعرسوا ؟؟؟
باخر كلامي ادعولي بالذريه الصالحه عاجل غير اجل
