عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيفكم كلكم
بدخل الموضوع على طول
………………….۔
الموضوع يخص مديرات مدارس البنات والمعلمات برضو
بنتي لسا صغيره في ثاني ابتدائي المهم وزعوا عليهم ورقه مكتوب عليها مخالفات قواعد السلوك
المهم
مجزئين المخالفات لخمس درجات من الدرجه الاولى الى الدرجه الخامسه وكل درجه فيها 10 درجات ولعضها اقل بشوي وبعضها اكثر
على العموم
المشكله هنا
بنتي صغيره بس تعرف تقرأ وهم كاتبين فيها مخالفات لا تمت لبنات الابتدائي البريئات بصله
والمشكله انها سألتني عن بعض الاشياء هيا بالله كيف ارد عليها
مخالفات الدرجه الاولى هذي عاديه وهذي هي اللي المفروض تتوزع عليهم ولكن باقي الدرجات المفروض ما كان طبعوها لهم ابد
انا اقولكم مثلا من كل درجة وشو
…………………….
الدرجه الاولى مافيها شي
…………………..
الدرجة الثانيه
شوفو وش كاتبين
الحلف بغير الله
احضار اجهزة الاتصال الشخصيه
هذي من الدرجه الثانيه
…………………..
الدرجه الثالثه
النمص
التحرشات السلوكيه الشاذه
كتابات فاحشه على الجدران
التستر على ممارسات السلوك الشاذ ( وانتو عارفين وش يقصدون )
من مخالفات الدرجه الرابعه
التدخين داخل المدرسه او في محيطها ( يعني برا عادي هههههههههههههه ؟؟؟)
توزيع المواد الاعلاميه الممنوعه !!
…………………….
ومن مخالفات الدرجه الخامسه
السحر
حيازة او تعاطي المخدرات او ترويجها
ممارسة السلوك الشاذ(والعياذ بالله)
الخروج مع الجنس الاخر واقامة العلاقه معه !!!!!!!!!!!!!!!!! ( هنا مت قهر)
حيازة او استخدام الاسلحه الخطره
……………۔
على العموم
بالله هذي المخالفات ليه يعطونها بنات ابتدائي وحتى بنات المتوسط انا اعترض على بعض الكتابات
يا اخوات في بنات يدخلون بريئات ويطلعون فن في قلة الحيا
يا بسبب البنات
يا بسبب ان اساسا عقلها ما كان مفتح وانتو خليتوها تدور هالمخالفات
……………..۔
على العموم الكبار ويفهمون وعقلهم في راسهم لكن بنتي انا وش ذنبي تجي وتسألني يا ماما وش يعني هذا
بنتي ما جات الا وماشاء الله قاريه الورقه مفصفصتها
عاد انا قلت بكلم المديره وبأعترض على مثل هالورقه والمفروض ما يوزعوها على البنات او على الاقل يقتصون الاشياء اللي ممكن بنات الابتدائي يسوونها ويخلون الباقيه لمراحل المتوسط والثانوي
مع اني اقول حتى بنات المتوسط ما ودي يوزعون عليهم مثل هالاشياء ولكن لما افكر في زمان واللحين اقول البنات اختلفوا حتى عقولهم بسم الله اغلبهم ما تفتحت الا على المصايب يمكن علشان كذا قاموا وزعوها
ولكن وش ذنب البريئه اللي ما تعرف شي هنا هذا اللي يقهر والله 😈
……………………..۔
نطالب اي مسؤوله في مدارس البنات الصغار عدم توزيع مثل هالاوراق عليهم
واي ام بناتها في الابتدائي وجاها مثل هالاوراق لا تسكتون كلموا المديره علشان ينتبهون لغلطهم مره ثانيه مو اي شي يوزعونه
اللي معاي ترفع يدها
خل اروح اسوي لي شاهي بحبق نفسي فيه قبل لا يطلعون عيالي من الغرفه ويخربون علي الجو هع
حياكم
