ايهما افضل سليمان الحبيب ولا ذرية محتاجة مشورتكم بليز

بنات ابغى استشيركم في حاجة انا من سكان تبوك وابغى اسوي عمليه الحقن المجهري بس مرة محتارة
رحت عند ثلاثة دكاترة استشاريين واخرهم كان بمستشفى الدار بالمدينة وكلهم يقولولي لا تتعبي نفسك وتخسري فلوس على الفاضي سوو حقن مجهري لانو زوجي عنده الحيوانات المنوية صفر فقلنا ماينفع معاكم غير الحقن مستحيل يصير معاكم حمكل طبيعي وكلهم دلوني على مستشفى سليمان الحبيب بالرياض ودورت عليها بالنت والناس تمدحها وفي كمان مستشفى ذرية. وشفت بنات يمدحو سمير عباس وبنات يذمو والاغلب يذم فشلته من راسي

ايش رايكم اسوي الحقن عند مستشفى سليمان الحبيب بالرياض ولا مستشفى ذرية كمان بالرياض

او مستشفى الطبي الدولي بجدة مرة محتارة . نفسي في سليمان ولا ذرية لانه كتير يمدحوها بس مشوار والمشكلة مااعرف شي عن الحقن ، طيب لو قررت اروح الرياض محأقدر اروح الا بشهر خمسة وقت الاجازة هل اجازة الاسبوع تكفي عشان اسوي الحقن والالبر والاشياء دي ولا لازم يكشف ووقت معين اجيله لانه صعب كل شوية رايحة جاية الرياض وزوجي مدرس يعني عنده بس وزقت الاجازة. وشوية اقول جدة عشان اقرب وعادي اروح بالسيارة ، بس ماادري ليش قلبي منشرح لمستشفى سليمان الحبيب ايش رايكم

اسفه 😆 🙂 طولت عليكم بس من جد مني عارفة من فين ابدأ ولا ايش ايسوي والله نفسيتي تعبانة ودورتي صارت تتأخر عليه كثير والسبب النفسية الدكتور يقلي تحاليلك زي الفل بس نفسيتس سيئة مرة
والله تجيني حالات اكره زوجي ومني طايقته اقول دا كله بسببه انا عارفة المسكين ماله ذنب ومو بيده والله بس مو بيدي مع انه مو مقصر معايه بشي الحمد لله وحنون معاية بس كل ماافتكر موضوع الحمل ابكي قهر على نفسي اقول لو كنت متزوجة غيره كان مداني خلفت