اول هديه من خطيبي تعالو شوفو واعطوني رايكم

حدخل في الكلام على طول طبعا قريتو الموضوع حقلكم انا دحين ايش اول هديه اعطاني هيا خطيبي واعطوني رأيكم فيها ,,,
طبعا يابنات انا مخطوبه ليا 4 شهور ولسا ماعقدت واحتمال اعقد على شعبان الله يتممها على خير يارب
المهم يابنات انا الي اعرفو انو الواحد لمن يخطب ويشوف البنت وتعجبو يحط لها هدية الشوفه وهي عباره عن اسوره او اي شي المهم خطيبي يوم شافني مااعطاني حق الشوفه بس جا بعد كم يوم هوا واهلو وطلب يشوفني مره تانيه و لبسني الدبله على طول وانا الي اعرفو انو لبس الدبل يوم العقد دا كلو مايهمني يمكن تختلف العاادت من ناس لناس ,,,
ودحين فترة الخطوبه يجي بين فتره وفتره يتعشا او يتغدا وقبل كم اسبوع جا واعطا ابويا هديه ليا اتخيلو ايش الهديه يابنات
عطر جدا عادي بدون الكرتون تبعو ولا حتى مغلف وفي كيس جدا عادي والقاروره قديمه واوقات اشك انو مستعمل
صحيح انو الهديه ماتقدر بثمن بس دي اول هديه المفروض تكون هديه عليها القيمه حتى لو كانت ب10 ريال انا راضيه بيها بس عالاقل تكون مغلفه وحركات مش يعطيني هيا بدي الطريقه صراحه حسيت انو مالي قيمه عندو من جد مافهمتو
طبعا اخواني واخواتي جلسو يتريقو على الهديه وانا ميته قهر مو فاهمه هوا ايش يقصد من الهديه ولاعبيط ولا بيتعابط حتى امي مستغربه وتقلي لو اجيب انسان من وسط صحرا كان اهدى هديه عليها القيمه يعني معقوله مايعرف يهدي هدايا اخويا الكبير الي كنت افتكرو ماعندو خلفيه بشغلات البنات اشترى لخطيبتو هديه مررره حلووووه وفخمه وبسعر قليل ومن غير مايستشير احد فينا
صراحه يابنات خاطري مره مكسور يعني لو انتو كنتو في مكاني ايش حيكون موقفكم
ابغا تفاعل واراء منكم