عالم البنات النسائي كل ما يخص المرأة العربية من ازياء وجمال والحياة الزوجية والمطبخ
402:
السلام عليكم ياعسولات 💡 حبايبى والله انتم
المهم الموضوع دا منقول عجبنى قلت انقله 
لكم
اياك تسيبي سريرك….مهما حصل
السلام عليكم ورحمة الله وبركاته
يا جماعة الموضوع ده مهم جدا جداجدا
النصيحة دي نصحتني بيها واحدة قريبتي
وبجد صدقوني هى سر هدوء بيتي
قالت لي لما جت تباركلي وانا عروسة
بصي يا بنتي اوعي تسيبي سريرك مهما حصل بينكم
استغربت وقلتلها ياسلام يعني يزعلني وانام جنبه ؟؟؟؟
قالتلي ايوة
اياك تسيبي سريرك ابدا
اوعي تعوديه على غيابك من السرير لحظة واحدة
اولا حتروحي تنامي فين ؟؟على سرير ولادك ولا الارض حتتعبي طبعا وظهرك حيوجعك وهو نايم ومرتاح علشان عنده شغل الصبح
ثانيا وده الاهم..
وانتي نايمة جنبة حتبان حته منك رجليكي مثلا فيحن ليكي ويصالحك
او ممكن تلمسوا بعض قال يعني من غير قصد
علطول حيحن ويحس انه مش قادر يستغنى عنك
لكن لو كنتى بعيد حيتعود على كده مرة بعد مرة
ومش بعيد يحس ان ده افضل علشان ياخد راحته في السرير
مش كده وبس ده انتو لما تتصالحوا وده اكيد حيحصل حترجعي سريرك تاني
طب ليه ما كان من الاول
…………………..
البعيد عن العين بعيد عن القلب
