عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ؟
اليوم صديقتي قالت لي سالفه تستشيرني فيها وبصراحه ما عرفت وش اجاوب عليها
قلت مالك الا حبيباتي الفراشات يجاوبون عليك
وهذي سالفتها كاتبتها هي لكم شخصيا
السلام عليكم
ببدا لكم في السالفه
انا بنت عمري 22 سنه تقدم لخطبتي رجال ما شاء الله عليك دين واخلاق ومال ووظيفه ونسب كامل والله يشهد
تبون تقولون وين المشكله
المشكله انو متزوج وحده وعنده ولدين
وبصراحه انا سألت عنها يقولون حلوه ومرتبه ومو مقصره في بيتها بشي
وهي عمرها في نهاية الثلاثين
وهو قال لأبوي انو سمع عني وعن اهلي وحب يناسبنا يعني ماعنده عذر
بصراحه مع شروطه اللي قليله في هالزمن قلت لأبوي اني موافقه
وهو شافني ومررره اعجبته الحمدلله ويقول لأبوي مايبي يفرط فيني ويدفع المهر اللي يطله ابوي
مع انو ابوي ما يطلب المهر ابوي يشتري رجال
وقال يبي يسكني في شقه لحالي
انا اللحين محتاره اكمل الموضوع على خير ولا اغير رايي عشان زوجته وعياله
انتظر رودكم
وترى صديقتي دااايم تمدحكم
