اه يا ني يا بطني

طبعا هتستغربو من العنوان ➡
بس عايزة اقول حاجه قبل ما اكتب الموضوع انا مش عاملاه شات
ندخل في الموضوع كنت اعدة في بيت جدو واذ فجاتن بطني وجعتني هي معدتي بالتحديد
ومكنتش قادرة استحمل الالم بصراحه لاقيت تيتة بتقولي قومي افتحي الثلاجة
هتلاقي شنطة هاتيها قولتلها نعم انا مش قادرة اقوم انا عايزة دكتووووووووووووور 😐
واعدت اصرخ بجد كانت معدتي هتموتني تقوم تيتة تقولي قومي بس واسمعي الكلام ➡
المهم جبت الشنطة وادتهالها لاقيتها فتحتها وطلعت
شرايط برشام وتقولي خدي واحدة من دي دلوقتي
وواحدة من دي لما تاكلي
وواحدة من دي لما تيجي تنامي وواحدة ……….. 😐
قولتلها وانا فاتحة بقي من الاستغراب ايه ده يا تيتة انتي دكتورة وانا معرفش
لا خلاص انا خفيت انا اصلا مش بحب اخد علاج

قالتلي والله هتخفي بس خدي انا بصراحه خفت اخد ليكون منتهي الصلاحية وينحي علي صلاحيتي انا كمان ههههههههه
المهم روحت للدكتور واداني علاج ومن دمنهم شريط برشام زي اللي كانت تيتة ادتهولي
بس مش عارفه هما الناس الكبيرة تلاقيهم دايما عندهم خلفية بالطب ليه وتلاقي عندهم ادوية ملهاش حصر ياتري انتو ايه رائيكم في اللي حصل ده
وياتري حد وقع في الموقف ده ولا لاء