اه نفسيتي تعبانة الحمدلله الورم الليفي والتكيس قلبو فرحتى بالحمل لحزن الحمدلله

كيفكم اخواتى ازا تتزكرون انا من قبل كم سنة نزلت موضوع انو كان عندى ورم ليفي وسويت عملية استئصال وكانو عددهم سته <<<<<< كانهم توائم ههههههههههه وكانت العملية شق بطن زيها زي القيصري الحمدلله على كل حال المهم انا بدخل بالموضوع ماابغا اطول عليكم ……..

رحت قبل زواجى بشهر تقريبا لدكتوري عشان اشيك قبل الزواج اشيك على البضاعة هههههههههههه المهم سوى لى سونار على بطنى وقال لى الحمدلله رحمك والمبايض نظيفة ومافي اي شئ يارب لك الحمد .. قال لى قبل الزواج بااسبوع كمان تعالى نشوف انا طبعا مع التدبيش ودوشة الزواج نسيت نفسي ومارحت له واتزوجت الحمدلله وسكنت الكويت لى تقريبا شهرين متزوجة الله يتمم لى ولكل العرايس ويرزق باقي الصبايا المهم كانت اول دورة بعد زواجي جدا جدا غزيره حتى انا انفجعت منها قلت يالله تغير هرومانات بعد الزواج وكدا خلصت الدورة وجاء وقت الدورة التانية جلست تلاتة ايام غايبة عنى المهم شكيت انو حمل سويت تحليل بول مافي وبعدها تعبت تعب بطنى وظهرى كانها الم دورة والالم اكتر حاجة بجهة اليمين بعد كم يوم برضو لما عدا على غياب الدورة خمسة ايام زاد التعب وشالنى زوجى للمستشفى وكشف على الدكتور سونار على البطن قال لى عندك كيس على المبيض اليمين قلت له يادكتور انا الدورة غايبة لها كم يوم وابغا اسوى تحليل حمل دم وبشوف سويت تحليل حمل وتحليل بول وانتم بكرامة ماطلع حمل ومافي التهاب بول وانتم بكرامة الحمدلله طبعا لما دريت انو مافى حمل صح زعلت بس كلو امر الله وربي ماكتب لي لسه طلعت للدكتور مره تانية وشاف نتيجة التحاليل وقال لى بنسوى لكى سونار داخلى اه واه واه ياليتنى ماسويت طبعا اول حاجة نفسياا متعب السونار الداخلى ماتوقعته كدا الظاهر انو كل بالمستشفى سمعو صراخى وكنت راح ارفس الممرضة بس عدت على خير هههههههههههههههههههههه كشف الدكتور وطلع عندى ورم ليفي داخل الرحم انا لما قال لى كداجلست ابكى واقوله ليش ليش جلس يضحك على الدكتور يقول لى اهو دا مبين على الجهاز بوصي نزلت من فوق السرير ودموعى اربع اربع وجلست اقول للدكتور انا من فتره لما رحت لدكتورى قال لى رحمك ومبايضك نظيفة كيف رجع لى من اقل من شهر يعنى دكتورى داك كزاب ايش العمل يادكتور …. قال لى لازم الورم الليفي عملية شق بطن انا الا شوى بيغمى على اما التكيس يروح بالعلاج وهو اللى مانع الحمل لانو يفرز مادة تمنع ….

انا طلعت من عند الدكتور وطبعا مسلسل البكاء مستمر يقول لى زوجى انتى زعلانة لانو مافي حمل قلت له مافي حمل دا امر الله اللى فيني كلو باامر الله بس انا ماابغا اعمل عملية تانية لانى تعبت من العملية الاولى وماابغا اعيد الكره الحمدلله على كل حال 😥