اهل زوجي يدخلون شقتي بغيآبي ؟

راح اطرح لكم .. هالمسلسل اللي مدري متى راح ينتهي .. لآن اتوقع مسلسل تركي مآاله حل ➡

انآ متزوجه لي سنه .. ومآبعد اكملهآ

من اول مآتزوجنآ سافرنآ وحنآ بالسفر .. بنآت اخت زوجي كآنو يبون الاب توب..

قال خلي جدتك تعطيك المفتآح وخذيه..

انآ سكت..

مو مشكله هالمره

ومرت ايام.. وجينآ .. طبيعه عمل زوجي يداوم 24 ساعه يعني يومين تقريبآ

انآ وقتهآ اروح بيت اهلي ماجلس بالشقه لحآالي ..

في هذا الوقت اللي اروح فيه بيت اهلي وارجع..

القى في شي نآقص بالثلاجه.. او بالادراج.. من اي حآجه..

سالته قالي انآ اهلي معطيهم المفتآح وقت مابغو شي من الشقه يدخلون يآخذون اللي يبونه

وانتي لك بالشقه وخصوصيتك كلهآ بالغرفه <<<

قلت كيف كذآ وشقتي مفتوحه للاولي والتآالي .. قال محد داخلهآ بس المطبخ لان

اخوآنه يشتغلون بعيد وهو برضو مو بالديره بعيد.. يعني بس باليت امه والشغاله واخته كل يوم تجي

مع عيالهآ ..

طيب ..

انآ كل مراحت وجيت لقيت شي نآقص غير كذآ .. احس الوضع مو طبيعي 😳 ماودي احد يدخل شقتي

يعني انآ طالبه شقه لي وحدي .. محد يشآركني فيهآ .. والوضع بصراحه مآساوي ..

هو يقول امي اذا حتآجت شي من يجيب لهآ قلت امك على راسي تصعد وتآخذ اللي تبي

رغم اني بيني وبين نفسي مآآبي وربي حد يدخل

شقتي صغيره ومافيهآ الا غرفه ودوره ميآه .. وصاله ومطبخ ..

وسعآت وضع الشقه يصير مآساوي ومكركب .. وانآ حامل مايمدي اسوي شي

المهم رد علي قالي لو اطلع برا الشقه بعطي امي مفتآح قلت معليه <<

يعني امه والله لو انهآ امي بسوي زود بس مو كذا هذي خصوصيه .. وربي عيب

وانآ احترم امه

تعبت من هالمشكله قلت لاهلي وكلموه ومآفي فايده .. يقول لهم كلام ويسوي غير

لقيت حل وآحد اني اكلم امه بنفسي ونزلت لهآ وباسلوب حلو قلت لهآ خالتي انآ قلت مابي احد يدخل شقتي وهذا ابسط حقوقي

بس ان احد يدخل بغيابي وربي مارضى .. انتي لو تطلبين اي شي بلبيه .. لك وبجيبه وانزل لك كل الشقه
قالت نفس كلمه ولدهآ خصوصيتك بغرفتك <<<<<

بوبعدين قالت محد داخل قالت ابشري <<<<<<<<< 😉

بعدين ماشفت حد يدخل وارتحت ..

والحين رجعو يدخلون وربي والشغآله مآخذه راحتهآ .. حتى الآواني اذا عجبها اي شي خذته تفتح الثلاجه

وتاخذ اللي تبي

ويقلون خصوصيتك بالغرفه ومكآوه الملابس بالغرفه دخلو وخذوهآ << من يوم.. بنجن وربي

انتو برايكم وش اسوي وربي قلت لاهي واخوي كلمه // وامي // وانآ كلمت امه // بس مافي فايده

حسيت انهم يبون المشاكل وانآ مو نآقصه